قارتال نیوز پایگاهی نین گزارشی اساس دا، اوزوم آذربایجاندا چؤرک کیمی مقدس بیر نعمت ساییلار.
اوزومچولوک بئشمین ایل اؤنجهدن آذربایجان دیاریندا محصولدارلیق رمزی کیمی تانینمیشدیر. مشهور تاریخچی ویل دورانت؛ مدنیت تاریخی آدلی کیتابینین گیریشینده بو حقیقته ایشاره ائتمیشدیر!
گؤرونور چوخداندیر بلکه عادت و عنعنهلریمیزه دوزگون صاحیب اولا بیلمهمیشیک ! آخی شانی اوزوم (آغلی ، قارالی ، قیرمیزلی) بیزه عایید!!
شانی درمکده زومار(شهریور) آیینین ییرمیسیندن سونرا ورهزن واقتی بیزیم اوزوم باغلاریمیزدا چالیشقانلیق دؤوروموزه مصادیف ائدیر!
شانی اوزومو قزوین بؤلگه سینده و اوتای آذربایجاندا تانینمیش اوزوم نوعی حساب اولونور.
گؤرونورکی ایستر بیزیم غافیل اولدوغوموزدان، ایسترسهده باشقا آزلیق ائدن آسوری ـ ائرمنی خالقیلارینین زیرک ترپندیکلریندن بوگؤؤزل بایرام تورک ائللریندن قوپوب، آسوری ـ ائرمنی آزلیقلارینا منصوب اولموشدور!
آذربایجان تورپاقلاری خصوصن قزویندن باشلایاراق ساریداش(سردشت) بؤلگهسینهدک اوزومچولوک پئشهسیله مشقول اولماق اهالینین اساس ایشینه چئوریلمیشدیر .
تورپاغی تپدیرمک، اوزومون بارماقلارینیی تونکلهمک یا کسدیرمک، قوروموش موورهلری ییغماق، قاراقول بوداقلاری توپارلاماق، سووارماق ،کوبرهلهمک، یارپاقلاردان دولما حاضیرلاماق ،قورالارین سویون چیخارماق، اوزوم دریب، ورهزن سرمک، سبزه و کیشمیش قورودوب بازارا وئرمک، دوشاب بیشیرمک، سیرکه سالماق، تورشو قویماق… آذربایجان خصوصن اورمو اهالیسینین ایل بویو دوامجیل مشقلهسینه چئوریلمیش و اکثر اهالینین گوذرانی بو ایشله دوام ائتمیشدیر .
دوغال اولاراق بو بویدا نهنگ ایشلری آشیرماق عادتسیز، عنعنهسیز، دبسیز، رسوماتسیز یئرینه یئتیرلممهییر دی .
اوزوم یئتیشن گونلر یایین سون آیینین ۲۰سیله مصادف اولدوغو اوچون بو موبارک گونلرده کندلرده، شهرلرده محصول توپارلانان زامانلار نغمهلر اوخونوب، ماهنیلارردیلدن دیله سؤیلهنر، آشیقلارین سازیندا، قیزگلینلرین آوازیندا ترنوم ائدیلر و بو امک نغمهلری نسیلدن نسیله یادیگار قالار .
بو کیمی نغمهلر وسرودلار مذهبی کاراکتئر داشاماق اوچون یوخ، بلکه شنلیک اوچون وطبیعتدن قیدالانماق و قیش زمهرینی توپارلاماق اوچون اهالی ایچینده برپا اولونوردو.
اَن قدیم زامانلاردان اوزوم تبرک اولوب ومعیین دب و عنعنه یئرینه یئتیریلیب وایجرا اولمایینجا کیمسه اوندان دادمازدی .
بو دبلری یئرینه یئتیرمک اوچون معیین گئییملر گئییلیب، معیین نغمهلر اوخوناردی. اوزوم دریلن زامان اونون تک گیلهسی یئره دوشمهسین دئیه سعی اولوناردی و اوزوم چؤرک کیمی مقدس بیر نعمت ساییلاردی . اوزومون ازیلمیشی تؤکونتوسوندن دوشاب، پولوشوندن ایسه سیرکه حاضیرلاناردی. سیرکه حیات مایاسی حساب اولدوغو اوچون پاک نیتلی خانیملار الیایله قویولاندا داها توتارلی اولوردو …
گؤرنه اوزون زاماندان اؤنجه بو بؤلگهده یاشایان تورک میللتی اوزوم شیرهسینین تورشلوغون آلماق اوچون معیین بیر تورپاقدان شیرهیه وورماق بیلگی سینه ناییل اولموشلار!
اوزوم یگانه وارلیقدیر کی اونون یارپاغیندان دولما، ومؤوره سیندن اوجاق چاتما، کولاسیندان تندیر قالالاماق، قوراسیندان فایدالانماق و اوزوموندن یئمک وقیش فصلینده میلاق و شیرهسیندن چاخیر دوشاب و چاخیر و پولوشوندن سیرکه وتوم یا توخوموندان دونیانین ان قیمتلی بیتکی یاغی حاضیرلانیر واونا گؤره اوزوم مقدس محصول ساییلیر.
بوتون ایل بویو دوام ائدن اوزومچولوک پئشهسی خصوصیله محصول توپارلاماق زمانی گئنیش بایرام کیمی قارشیلانمیش دریلمهپسی، سریلمهسی، ییغیلماسی، ازیلمهسی، بیشرمهسی زمانی چئشیدلی شنلیکلر و نغمه کارلیقلارلا باشاچاتدیریلیب و شانادربایرامی آد وئریلمیشدیر .
هر بیر وطن ائولادینین بورجودور بو گؤزل دبلری قورویوب ساخلاسین وشان مراسیملرین یارادیجیسی، قوروجوسو واشتراکچیسی اولسون .
آغ اوزومو دررلر یاشیل باغلار سولماسین وره زنه سررلر ائلده کدر اولماسین هر قونشویا بیر سله قسمت اولسون بیرشیرک باغلاردان پای وئررلر بیرده یارپاق دولماسین
رئیس ستاد انتخابات آذربایجانغربی گفت: با رفع بخش قابل توجهی از مشکلات اجرایی و فنی، شرایط لازم برای برگزاری انتخابات شوراهای اسلامی شهر و روستا و انتخابات میاندورهای مجلس شورای اسلامی و مشارکت حداکثری مردم در استان فراهم شده است.
پس از ثبتنام نادر قاضیپور در انتخابات میاندورهای مجلس شورای اسلامی از حوزه تبریز، آذرشهر و اسکو، یکی از صفحات اینستاگرامی منتسب به او این اقدام را با تیتر اغراقآمیز «زلزله سیاسی در تبریز» بازتاب داد؛ تعبیری که بیش از آنکه ریشه در واقعیتهای سیاسی این حوزه انتخابیه داشته باشد، بیانگر تلاش او برای ایجاد موج رسانهای بی ثمر است.
رئیس سازمان اورژانس آذربایجانغربی گفت: در ادامه اجرای سیاستهای مجازاتهای جایگزین حبس و با هدف حمایت از حوزه سلامت، دادگستری استان آذربایجانغربی مبلغ ۴۸۰ میلیون ریال کمک مالی به مرکز فوریتهای پزشکی بوکان اختصاص داد.
مدیرکل راه و شهرسازی آذربایجان غربی گفت: از ابتدای امسال ۳ هزار و ۱۵۵ فقره انواع پروانه اشتغال به کار مهندسی و کاردانهای فنی در حوزه ساختمان در استان صادر، تمدید و ارتقای پایه یافته است.
ارسال دیدگاه
قوانین ارسال دیدگاه