قارتال نیوز/ “بابک قالاسی” شرقی آذربایجانین کلیبر شهری نین گون باتان طرفیندن ۶ کیلومتر آرالی “قیز قالاسی” آدلانان بیر داغین ذیروه سینده یئرلشیب،۲۳۰۰ -۲۶۰۰ متر اوجالیغی دیر.بابک قالاسی،بوتوو سیلدیریملی داغ لار و چوخ سویوق ساحه اولدوغو اوچون قیسا بوی مئشه آغاج لاری، پالید، قوز، توت،زغال، آلچا،فیندیق،زریش، گیلاس،چالی و ائلات لارا مخصوص گئنیش چاییرلیق و یایلاق ساحه لری احاطه ائدیب دیر.قیشدا چوخ سویوق و قارلی، یازدا و یای دا ایسه یاغیشلی و چیسگینلی دیر.
بابک قالاسی نی هر بیر یاندان ۴۰۰-۶۰۰ متر درینلیک ده اولان دره لر دووره لییب ال چاتمازدیر.یالنیز بیر ائنسیز یولدان اونا چاتماق اولار.بولگه یه حاکم اقلیم، سویوق اقلیم دیر.آنجاق بولگه نین طبیعی گوزللیگی چوخ آز گورونن نمونه لردن دیر.
قالایا گئتمک اوچون مناسب یول؛ تبریز- اهر- کلیبر یولودور.اورداندا قالایا چاتماق اوچون کلیبردن گون باتان طرفینه “شجاع آباد کندی” نی طرف، تقریبا اوچ کیلومتر یول گئتمه لییق.
بو کنده چاتمامیشدان قالا دره سی، آدلی توریسم کمپی وار.بو کمپ دن اوچ یول ایله قالایا گئتمک اولار: “قالا دره سی یولو”، “شجاع آباد یولو”، “یورت یولو”.
بابک قالاسی، “خرمی لر” حرکاتی ایله باغلی دیر.خرمی لر حرکاتی عرب استیلاسینا قارشی استقلال مبارزه سی کیمی یارانیر و ۲۰۱-۲۲ هجری ایل لرینه قدر اوزانیر. حرکتین آجیناجاقلی و تراژیک سونونا رغما، اونون ایران چرچیوه سینده گئدن باشقا خلق حرکاتی و نهضت لره قویدوغو تاثیری دانیلمازدیر.باخمایاراق کی خرمی لر حرکاتی بیر سیرا شاهلیق سارایلاریندان مایالانان و دشمن خدمتینده اولان تاریخچیلر طرفیندن قینانیر و اونا خوش مناسبت بسلنمیر،آنجاق ایستر ایسته مز بو حرکتین مختلف یون لری تاریخی اثرلرده اوز عکسینی تاپیبدیر.او جمله دن تاریخ طبری- نزهه القلوب-معجم البلدان-تاریخ و جغرافی دارالسلطنه تبریز-البلدان-سیاستنامه-گزیده تاریخ- الفرق بین الفرق-الفهرست- الملل و النحل و…
بابک قالاسی نین تمل داشی نین قویولماسی تاریخیندن و اونون ایلک پلانیندان دقیق بیلگی لر الده یوخدور، محدود آرشیو ده اولان معلوماتا گوره، بو بینانین ایلک تملی اشکانی لر و میترائیستی اینانجلار دوورونده قویولموش؛ساسانی ایمئپریاسی دوورونده گئنیشلنمیشدیر.سونرالار خرمی لر موقعیتی مناسب گوردوکده اونو یئنیدن برپا ائتمیشلر.هجرتین ۶نجی و ۷ نجی یوز ایللیک لرینده آتابای لار دوورونده قالادا یئنی دن تعمیرات ایشلری آپاریلیر و آرتیرمالار اولور.
یقین کی اوزاق دوورلردن بابک قلاسی نین اطرافیندا یاشاییش یئرلری اولموشدور.کلیبر و اونون اطراف بولگه لرینده اسلام دوورونه مخصوص اشیالارین تاپیلماسی بو بولگه ده یئددینجی عصرده قدر انسان لارین یاشاماسی گوستریلیر.
خرمی لرین رهبری “بابک” ۲۰ ایلدن آرتیق بو قالانی عباسی لر علیهینه مبارزه سنگرینه چئویردیگی اوچون بابک قالاسی آدی ایله تانینیر.
چهار بازیکن جوان به تراکتور اضافه شدند که شناخته شدهترین آنها عرفان نجاری، دروازهبان ذخیره فصل گذشته پرسپولیس است.
پس از انتشار خبر دستگیری پاول دروف مالک تلگرام، تصویری از یک دختر که در سفر به فرانسه همراهش بوده، دستبهدست میچرخد.
مصاحبه اخیر مسعود پزشکیان با واکنش‌های بسیاری همراه شده و برخی رئیس جمهور را به این متهم می‌کنند که به تجزیه‌طلبان فرصت می‌دهد. قطعا این نگاه مورد تایید حامیان دولت نیست و از مصاحبه پزشکیان دفاع می‌کنند.
وسایل شخصی و دست نوشتههای شهید سردار مهدی باکری در مراسمی از سوی خانم صفیه مدرس، همسر شهید مهدی باکری به موزه دفاع مقدس آذربایجان شرقی در تبریز اهدا شد.
ارسال دیدگاه
قوانین ارسال دیدگاه