بير گئجه آي ايشيقيندا يئنه كئچديم من او سن سيز كوچه دن
گؤز اولوب كل وجودوم سني آختارديم او سن سيز كوچه دن
گؤروشون لذتي دولدو يئنه صهبا كيمي جيسميم جامينا
دالغالاندي دلي كؤنلوم يئنه جوشدو او سون عشقين نامينا
او قارانليق گئجه ده كؤنلومون تارلاسينا داملادي بير شئه كيمي يادين
گؤزومون دوردو اؤنونده او گؤزل نازلي جمالين
مين كؤنول خاطيره گولدو
مين اوره ك دولدو خيالين
يادلاديم بير گئجه ده او كوچه دن كئچديييميز
كئچه ره ك ال – اله عشقين شرابين ايچدييميز
او اوره ك سئوگي سي خلوت گئجه ده گزدييميز
بير ساحات چشمه كناريندا بيزيم اوتدوغوموز
سن او جئيرانلي گؤزونله
دوداغيندان سوزوله ن شهد سؤزونله
آغليمي آلدين آپاردين سن اؤزونله
گئجه ساكيت كوچه آرام
آي تبسسمله بيزيم عشقه باخيردي
ائله بيل عشقيميزين حورمتينه
گؤي اوزونده سيرالانميش اولدوزلار
بيزه ساغليق وئره ره ك تك – تك آخيردي
گؤيدن ايلهام گتيريردي بيزه حوريله ملك لر
شاهيدايدير بيزيم عشقه بوتون اجرام فلك لر
گئجه ساكيت گؤي بولودسوز
سانكي بير آينادي كي زنگار اوزوندن تزه سيلميش
واخت ساكين ، باخت كدرسيز
سانكي بير گول كي فراقدان سورا بير بولبولو بولموش
ياكاموز پارلاياراق
بودالارال اوزاتميش آيا ساري
نه گؤزل بير گئجه دي گؤر سني تاري
سانكي هر جانلي و جانسيز دوزولوب
دينله ييرلر گئجه نين ماهني سيني
من اوحسرتلي باخيشلارلا سني سئير ائتديكجه
او درين گؤزلرينين آرخاسينا گئتديكجه
آنلاديم كي باخيشيندا ترديد وار
سؤيله دين سن منه كي
” گل بو عشقدن حذر ائت
اونودا بيلميرسن سه مني
نئچه مدت سفر ائت ”
بير داش آتدين سويا سن
پوزولوب آي شكيلي گئتدي سودان
” سو كؤچه ر عشقين آيناسيدير ”
سن دئدين
آمما
عشقدن من كئچه بيلمه م
سندن آيري كؤچه بيلمه م
عومرومون گونلري سن سيز
نه ساياقلا كئچه
بيلمه م
ايلك دفعه كؤنلومون كي قوشو اوچدو سنه ساري
بير گؤورچين كيمي گلديم ائيواني اوستونه قوندوم
سن داش آتدين منه ساري
من نه اوچدوم نه ده قاچديم ائله دوندوم
خيال ائتديم يئنه سن اووچو و من
بو چولون جئيرانييام
تا دوشه م دامينا گلديم سنه ساري
.
گئتدي ظلمتله قاريشميش كدريله او گئجه
باشقا آيري گئجه لرده
آلمادين كؤنلوسو يانميش عاشيقيندن بير خبرده
كئچمه دين او كوچه ده ن سن داخي هئچ بيرجه سفرده
سن سيز آمما نئجه احواليله اوردان يئنه كئچديم .
ف. مشیرینین کوچه شعرینین تورکجه سی – آراز – 1392
زیر گذر تقاطع بلوار امام علی و بلوار عدالت مزین به نام سرلشگر شهید یعقوب علیاری با حضور شهردار ارومیه، اعضای شورای شهر و جمعی از مسئولان، ۲۶ دی ماه افتتاح شد.
مدیرعامل شرکت گاز آذربایجان غربی گفت: با وجود اینکه این استان از لحاظ جغرافیایی جزو مناطق سردسیر کشور است اما از نظر میزان مصرف، رتبه هفتم کشور را دارد.
مدیرکل راهداری و حمل و نقل جادهای آذربایجانغربی از آسفالت ۱۲۰.۵۵ کیلومتر از راههای روستایی استان درسالجاری خبر داد.
هفته نوزدهم مسابقات والیبال قهرمانی باشگاههای برتر مردان ایران روز چهارشنبه ۲۶ دی با ۶ دیدار در شهرهای اردکان، گرگان، تهران (دو مسابقه)، رفسنجان و مشهد پیگیری خواهد شد.
ارسال دیدگاه
قوانین ارسال دیدگاه