باش سوز:
هر فولكلوريك اثرين، ايشين باشلانيشيندا بير سويله‌ينى و قوشانى دا اولموش اولسا، تاپيليش و يارانيشدان سونرا مودتلر و بلكه‌ده اوزون عصيرلر سينه‌دن سينه‌يه نقل ائديلير، جمعيتين‌گليشمه‌سى ايله بير سيرا آرتيب اسكيلمه‌لر، بير چوخ ماجرالارين‌اونودولماسى و تئزه حاديثه‌لرين آرتيريلماسى ايله اوزاوزه گلير و سونرا شايد ده يازى و كيتاب پالتارى گئيير. فولكلوريك اثر نه قدر قديم اولسا، بو دييشيكلر اوندا داها چوخ اوز وئرير.
دده قوروقود دستانلاریندا اولان ائل اوبالار، ايسلامى قبول ائتميشلر و بيرچوخ شراييطده ايسلامى يايماق «كافرين كليساسين ييخيب، يئرينه مسجيد ياپماق و بان بانلاماق» اونلارين ووروشلارینين اساس عيلتى كيمى سانيلير. دويوشلرده اله گلن غنيمتلردن «خانلار خانينا» بئشده بيرچيخيرلار.
دستانلاردا كربلا حاديثه‌سينه ايشاره ائديلميش و ايسلام مقدس سيمالارىنين آدى يئر به يئر تكرار ائديلير. لاكين ايسالاما گوستريلن بوتون بو ايلگى و تعصوبله برابر، ايسلامى سونتلر اونلارين آراسيندا هله درين يئر آچماييب و اونلارين ماجرا دالينجا اولدوقلارى، مذهبى اينانجدان داها چوخ قؤومى خوصوصيتلردن باش‌آليب گلير.
دده قورقود کتابیندا و یا دونیاسیندا پیس بیر انسانلا اوز – اوزه گلمیریک.اوغرولوق، آدام اولدورمه، خیانت و . . . بو دونیادا یئری یوخدور. بونلار واردیر، آنجاق دده قورقود دونیاسیندان ائشیکدهدیلر و بو یوردون قهرمانلاری – ایگیدلری و(قادین لاری) خانیم لاری اونلارلا دویوش اوچون آیاغا قالخیرلار بلکه آنایوردلاریندا بو اوزه للیکلر پوزولماسین.
بو کیتاب دا قادينلار كيشلر قدر حورمته لاييقدير. بورادا بيرچوخ شرق افسانه‌لرینين عكسينه اولاراق، قادين،بوتون اينسانى دويغولارى و اخلاقى يوكسك آنا روتبه‌سيله جيلوه‌له نير. همسر سئچمكده چوخ‌عادى رسم روسومدان بيرى قيزلا اوغلانين آت چاپماقدا، كامان چكمكده و شمشير وورماقدا برابرليگى دير. آنا حقى – تانرى حقى،دستانلاردا بير نئچه يئرده ياد ائديلير….
آنا محبتی:
دده قورقود کتابیندا بوتون بویلاری آنا محبتی بزهمیشدیر؛ لیریک پارچالاردا آنالار بوتون وارلیقلاریلا اوغلو – قیزا باغلی اولدوقلاری، اونلارین وارلیغینی اوز عومورلریندن واجب و عزیز اولدوغونو یوخاری محبت ترانهلری ایله سؤیله نیلیر. آنا هیجانی، آنا محبتی جوشغون و دورو وارلیغیندان قالخیب و درین اجتماعی – حیاتی معنانین احاطهسینده هیجان مقامیندا اوزونه یئر تاپیر. بورادا دستانلار بویو و شعر اوزونو آنا طبیعتی نین حسی، احساسی دورومو افاده ائدهن بدیعی لوحهلر یارادیر.
آنا محبتی بو کیتاین و اونون لوحه لرینین اساس موضوعودور، بو محبت نه خارقهلر کی یاراتمامیش!؟ بویوک قهرمانلار بو محبتدن ائله گوج آلیرلبار کی یئکه حیوانلاری قالخیزیب یئره چالیرلار؛ لاپ غدار دوشمنی باسیرلار و مقدس آرزیلاری دیریلدیرلر…
دده قورقود کتابیندا اولان آنا محبتی، هئچ بیر فولکولوریک اثرده بئله گوزهل و انسانی صورتده گوستهریلمهمیشدیر….
کوچوروب حاضیرلایان: هارای خان
سرپرست معاونت فنی و امور زیربنایی شهرداری ارومیه گفت: ۲۵۰۰۰ مترمربع از بلوار شیخ شلتوت در حال آسفالت است.
سرپرست معاونت فنی و امورزیربنایی شهرداری ارومیه گفت: عرشه‌های شمالی و جنوبی پروژه زیرگذر امام علی(ع) آسفالت شد.
مدیر امور حقوقی شهرداری ارومیه گفت: با همت، جدیت و پیگیری کارشناسان و مشاوران حقوقی و با بررسی‌های متعدد در کارگروه حقوقی شهرداری ارومیه، سند ششدانگ به نام شهرداری ارومیه صادر شد.
فرمانده انتظامي کلانشهر اروميه از دستگيري عامل تيراندازي شبانه در خيابان والفجر اروميه، خبر داد.
ارسال دیدگاه
قوانین ارسال دیدگاه