تکجه اوشاقلیق زامانلاری یوخ آنام لا بویوک واختیندا مین لرجه گیزلی نغمه میز واریدی….او نه اينجييردي، نه ده حيرصله نيردي. ياواشجا، اليني کنارا چکردي، اوزومه باخاردي. من ده اونون اوزونه باخارديم: گوررديم کي، قوجاليب، آريقلاييب … ائله سئویب سئویلردیم کی، گئجه ني ده يانيندا ياتماغا راضي اولارديم. او، يئنه ده مني باغرينا باساراق اوپوب، آغلاياردي. هميشه ده عئيني سوزلري دئيردي. دئيردي کي، اغول بالا نه یه اوخشاييرسان، لاپ چوخ اوخشاييرسان، ائله بيل کي، بير آلماني ايکي بولوبلر.آنام دوداغي نين آلتيندا باياتي دئيه-دئيه مني سينه سينه باسيب هونکورردي. دئيردي کي، سن ده آغلا، قوي الله سسيني ائشيتسين. من آغلاماغا چاليشارديم، آنجاق گوزومدن بير دامجي دا ياش چيخمازدي. او آغلاييب منيم ده اوز-گوزومو ايسلاداردي، ائله بيلردي کي، من ده آغلاميشام. سئوينردي. مني تزه دن اوخشاماغا باشلاردي. دويونجا آغلاياندان سونرا بيردن مني بوراخاردي. اوزو اوزونون اوستونه چيغيراردي. اوزو-اوزونو سؤيردي، قارغيياردي. اوزونو منه توتوب اوزون: آ کافتار، آ بدنيت، نييه اولاييرسان، – دئيردي، – بئله گول بالاسي اولان دا آغلايارمي؟
آنام هر آدديميندا دوداغی‌نين آلتينـدا غريبه دوعالار اوخويار، سحر-آخشام زمزومه ادردی. جومـا آخشام‌لاری بيشيريلن يئمک‌لردن دادماغا اولولری دعوت ائدردی. بونو خوصوصی دوعالارلا ائدردی. قوهوم‌لاردان کيمين سه باشی آغریير، اوشودور، قيزديرير، خسته‌‌حال اولوردوسا، آناما دئييردی، اونو کيمين سه روحو توتوب. چورک و دوز گوتورردی، چوره‌گی تام اورتادان بولوب قوياردی بير مندیلین اوستونـه. دوزو دا ايکی‌يـه بولونموش چوره‌گين آراسی‌نا. سونرا دا قويروغوندان ايپ له باغلاديغی قاشيغی دوز-چوره‌گين اوستونده ساخلاياراق دوداغی‌نين آلتيندا دانيشاردی. آخيردا دا هوندوردن گاه اولن لرين، گاه چئشیت‌لی يئمکلرين آدينی ساياردی. قاشيق هانسی سا خوره‌گين آدی گلنده سئوينجه‌گه دوشوب يئللنمه‌گه باشلاری. آنام اوندا خسته‌له‌نَن آداما دئيردی کی، سنی فيلان آدامين روحو توتوب. اوره‌گی ده فيلان يئمه‌گی ايسته‌يير. اونون روحو عشقينه بو يئمکدن بير قازان آسمالی‌سان! بو، دئيه‌سن خسته لره ياخشی اتگی گورسه‌دیردی. چونکی روح توتما مسأله‌سينه گوره بيزيم اويميزه آخيشان آدام‌لارين سايی گوندن-گونه آرتيردی.
جاوانليق‌دا اوزونون نئجه قالين ساچ‌لاری اولدوغوندان دانيشاردی. باش بارماغينی او بیری بارماق‌لاريندان باجارديغی قدر چوخ آرالاييب گورسه‌دیردی: “جاوانليق‌دا ساچيمی باخ بو انـده هؤررديم…” بابام رحمته گئدندن سونرا ساچينی اوشاق‌لاری‌نين يولوندا سوپورگه اله‌مـه‌گيندن دانيشاردی. سونوجـدا ساچ‌لاری قوجالميش، قاباق‌کی گوجونو، طراوتينی ايتيرميشديلر. آمـا آنام يئنه ده ساچ‌لارينی قارشی‌سی‌نـا توکوب داراماغی، هورمه‌گی سئوردی. ساچ‌لارينی هوروب قييمت‌لی خزينه کيمی يايليغی‌نين آلتيندا گيزله‌یردی. گيزلت سه ده، اوزه چيخارماسا دا، اونلارلا اويونرَدی. آنام هوروک‌لردن دانيشاندا دئييردی کی، قيز اولاندا ساچ‌لارينی قوشا هورورموش، إوله نندن سونرا تک. من ايندی ده بيلميرم بونون بير معناسی وارمی؟ بلکه ده وارميش…
آنامين اوز ساچ‌لاری بوینونون آرخاسيندان ايدی. هئچ واخت اوزانميردی. بير بالاجا اوزانان کيمی آنام ساچ اوستاسی‌نين يانينا قاچير، ساچ‌لارينی ووردوروب بوينونون ديبينـه قويوردو. دوشونوردو کی، ساچ‌لار چاغداش قادين‌لارا مانع اولور. هر سحر مکتبه گئدنده هر دفعه آنامین گوز ياش‌لاری‌نا بوغولوردوم.. اوزلجه‌سینه قارداشیم لا ديلله شنده، اونان سوزو اولاندا چوخ توتولاردی…بعضا منه ائله گليردي کي، اوشاغام، اونا گوره آغلايا بيلميرم. آغلايا بيلمه ديگيمه گوره عذاب چکيرديم. هئچ نه، منه آغلاماق قدر چتين گلميردي. هئچ نه منه آغلايا بيلممه گيم قدر عذاب وئرميردي. اينانيرديم کي، بويوينده، آتامدان اوترو اورکدن آغلايا بيله جگم. آنجاق واخت گئچدی و ایندی آنامدان اوترو هر گئجه اوره ک دن آغلاییرام..
آنام تلسه-تلسه اوز-گوزونو سيلردي. منيم ده ايسلانميش توک لریمی چارشابي نين اوجويلا سيليب تميزله يه ردي. سونرا گولمه يه چاليشاردي. جوربجور ادالار گوستريب مني ده گولدورمک ايستردي: – گول، آي اوغول، – دئيردي، – گول، بالا، قوي آتانين روحو شاد اولسون…آنـام منی هاردا توتسا، باشيمی ديزلری‌نين اوستونه قويوب بيتله‌ييردی. آخيردا بيتی اوده هامی‌نين باشينا سالديم.!!! قارداش‌لاريمی کئچل إلـه‌ديلر. آنامين ساچ‌لاری قيسا ايدی، اونون ساچ‌لاری تميزلندی. قالدیم من …
آنام قفيل خسته‌لندی و اولـوم ياتاغی‌نا دوشـدو. اوندا سوچلولوق دویغوسو حاکيم کسيلدی بالاجا قلبيمـه.آنام توک لریمی چوخ سئويردی.
قوهوم، آشنا لارین هئچ بيري آنامین مين نه يه گوره اولدويونو بيلمه ديلر. آنامین گوزل باخیشلاری منی ده اولدوردی.منیم آنامي درد اولدوردو. بونو ايسه تکجه من بيلديم.. آنام، آتامين گئدنده دولو قويوب گئتديگي، محبت کيسه سيني بوشالتماغيندان قورخوردو. اونا هميشه ائله گليردي کي اوندان سونرا بیز(اوشاق لار)نئجه یاشایاجاییق…من انا‌مين ايل‌لرله قورودوغو، اوستونه أسديگی ساچ‌لارينی قورويا بيلمه‌ديم….
اکبرسعادت(هارای)
test test
شهرداری ارومیه در هفته یازدهم لیگ برتر والیبال مردان طبیعت را شکست داد تا به یک قدمی قهرمانی نیم فصل برسد.
عفونت‌های ویروسی از جمله تهدیدات عمده برای سلامت عمومی در سراسر جهان محسوب می‌شود. این عفونت‌ها می‌تواند از طریق هوا، تماس مستقیم، مواد غذایی، آب و یا نیش حشرات منتقل شود. در نتیجه، پیشگیری از ابتلا به این عفونت‌ها از اهمیت ویژه‌ای برخوردار است.
مدیر کل راهداری و حمل ونقل جاده ای آذربایجان غربی از نصب و بهره برداری ۲۰ دوربین ثبت تخلف جاده ای در آینده نزدیک خبر داد.
ارسال دیدگاه
قوانین ارسال دیدگاه