قارتال نیوز/ فرهاد ۱۳۱۴-جو گونش ایلینده، اردبیل ماحالى‌نین ساوالان اتگینده نیرین اوزون چمن کووشنى‌نین کورابازلی (کورعابباسلی) کندینده آنادان اولموش و ساوالانین صفالی اتگى‌نین تاثیری ایله ۱۵ یاشیندان شعر قوشماغا باشلامیشدیر. فرهاد اللی ایلدیر تهراندا یاشاییر. آنجاق اونون صفالی آنا یوردوندان ایلهام آلیب قوشدوغو شعرله (فارسجا، تورکجه)، ترانه و ماهنی سوزلری اولموشدور.
اونون قوشدوغو سوؤزلره ایندیه‌دک ۱۰۰ دن آرتیق موسیقی یازیلیب.
فرهاد ۱۳۳۵ جی ایلده تهراندا، او زامان ایران رادیوسونون آذربایجان موسیقیسى‌نین رهبر و بسته‌کاری علی آغا سلیمى ایله تانیش اولموش و او گوندن اونون قوشدوغو سوزلری «ماهنی» اولموشدور.
فرهادین ۱۳۳۰ جو ایلین بیر پاییز گئجه‌سینده قوشدوغو «آیریلیق» سؤزو ۱۳۳۵ ده اونون بیرینجی ماهنی‌سی اولموشدور. بو ایلده علی آغا سلیمى او سوزلره موسیقی یازیب و ایران رادیوسونون اورکستری ایله ایجرا ائتمیشدیر. «آیریلیق» ماهنی‌سی «رشید بهبودوف» تهرانا گلنده اونا توحفه وئریلمیشدیر.
رشید بهبودوف بو سفردن قاییدارکن موسکوا شهرینین طیاره مئیدانیندا «تاس» خبر آژان‌سى‌نین موخبیرینه دئمیشدیر: من بو سفرده تکجه ساوئت اتفاقی یوخ، بلکه بوتون دونیا خالقلارینا ایرانین تهران شهریندن بیر یوکسک معنوی سووقات گتیرمیشم. او دا «آیریلیق» ماهنی‌سی‌دیر.
ائله دوغروسو دا بئله اولدو. رشید بهبودوف او ماهنینی اوخویوب دونیایا یایدی.
بو ماهنی قیسا زاماندا شرقدن غربه بوتون دونیا خالقالاری آراسیندا یاییلدی. دئمک چین اولکه‌سینده‌کی تورک خالقلاریندان، ایسپانیاداکی تورکلره قدر، تورک دونیاسیندان تکجه بیر ماهنی دونیا خالقلارینین معنوی مدنیتینه داخیل اولموشدور، او دا «آیریلیق» ماهنی‌سی اولموشدور.
«آیریلیق» ماهنی‌سی او قدر دونیا خالقلاری آراسیندا کونوللرده یئر توتوبدور کی، بو ماهنی «هم تویلاردا اوخونور، هم ده یاسلاردا»…
آیریلیق ماهنیسىنین سوزلری دوققوز بنددن عبارتدیر. آنجاق اونون بعضی بندلری میللی آیریلیقدان آسیلی اولدوغو اوچون شاه دوورونده بو بندلردن موسیقیده ایستیفاده ایجازه‌سی وئریلمه‌میشدیر.
اینتیطار: آیریلیق ماهنیسىنین «اینتیظار» عونوانلى بیر درآمدی ده واردیر.
«اینتیظار»، «آیریلیغا» بیر موقدیمه اولدوغو اوچون فرهاد اینتیظار شعرینین مووضوعسونو (۱۳۲۰- ۱۳۲۴) جو گونش ایللرینده ۲- جی بئینلخالق ماحاریبه گونلرینده تهرانین فیردووسی مئیدانیندا باش وئرمیش بیر عاشیقانه و اینسانی- عاطیفی موضوعدان ایلهام آلیب، یازیب و یارادیب. بو جریاندا بیر قیزلا بیر خلبان اوغلان هامان یئرده گوروش قرارینا گلیرلر.
هامان گون، هامان ساعت قیز قیرمیزی پالتار گئییب، الینده بیر باغلی قیرمیزی گول گلیر، اما اوغلان گلمه‌ییر. گویا اوغلانین حربی طییاره‌سی دوشور و اولور. قیزین بو مووضوعدان خبری اولمادان، سون ایللر (اینقیلابدان نئچه ایل سونرایا کیمی) عومرونون سونونا دک هفته‌نین هامان گونو و هامان قوویدوغو قرارین گوروش زامانی هامان پالتاردا، قیرمیزی گول دسته‌سی الینده هامان یئره گلیب گوروش اومیدی ایله اوغلانین یولونا گوز تیکیر و گله- گلمه‌یه اونو گوزله‌ییر و آخیردا بو فانی دونیادان کام آلمامیش ابدی دونیایا کوچور. فرهاد بو مووضوعیا «اینتیظار» عونوانی ایله ماهنی یازیر سونرا ابدی اینتیظار ماهنیسىنین یازماغینی باشلاییر. فرهادین «جئیران سئوگیلیم» ماهنی‌سینی «ابولفتح على یئو»، «راحیله» ماهنی‌سینی «شووکت الکبرووا» و باشقالارینی باشقا موغنیلر باکیدا اوخوموشلار.
اونون «آغلاما»، «کندیمیز»، «اوزون چمن»، «توی گونو» و… ماهنیلاری قالارغی ماهنیلارداندیر.
فرهاد اینقیلاب و سککیز ایل ماحاریبه زامانی دا چوخلو سورود و مارشلار یازمیش و اونلارا علی آغا سلیمى موسیقی بسله‌میشدیر.
اینقیلاب اینقیلاب، بهمنین ایگیرمی دوققوزو، گئدیرم جبهه‌یه حلال ائت منی، شاهینلر (خلبانلار)، قانلی شهر (خورمشهر)…
کوچوره ن: اکبرسعادت / منبع: آذربایجان فولکلوروندان
نماینده سابق ارومیه در مجلس دهم، در گفت‌وگویی با خبرنگار رسانه قارتال نیوز به تحلیل وضعیت سیاسی و اقتصادی آذربایجان غربی پرداخت. وی با رد قاطع ادعاهای مطرح شده درباره وجود جریان‌های جدایی‌طلب در این استان، این ادعاها را "ساختگی و ناشی از بازی سیاسی برخی جناح‌ها" توصیف کرد.
پلیس راه آذربایجان غربی هشدار داد: بازگشت ایمن از سفر نیازمند رعایت اصول ترافیکی و مدیریت زمان است.
تیم والیبال شهرداری ارومیه روز دوشنبه ۱۸ فروردین در دیدار ردهبندی لیگ برتر به مصاف چادرملو اردکان میرود تا در آخرین بازی فصل، عنوان سومی را از آن خود کند.
با حضور استاندار آذربایجان‌غربی کمربندی شهید سلیمانی شهر مهاباد افتتاح شد.
ارسال دیدگاه
قوانین ارسال دیدگاه