قارتال نیوز پایگاهی نین گزارشی اساس دا، بوگون آرتیق یالنیز یئر آلتی ثروتلر و معدن‌لری ساتماقلا دؤولتلر گلیر الده ائتمه‌ییر بلکه سانادیغیمیز ثروتلردن علاوه، خیدمت گؤسترمک یولو ایله و قوللوق ساحه سینده هر تورلو یئنیلیک یاراتماقلا، گؤزللیک قاتماقلا، اون مینلر، یوزمینلر توریستین نظرین اؤلکه‌لرینه جلب ائده بیلیرلر بوگون عموم دونیا سوییه سینده یئنی اؤلکه‌لره سیاحت، و مختلیف خالقلارین ، میللتلرین چئشیدلی عادت، دبلری، رسوماتی ایله یاخیندان تانیش اولماق هر یابانجی وطن‌داشین آرزوسونا چئوریلیبدیر .
یوزمینلر توریست هیندیستان‌دا بویاق سپمک شنلیگینده یاخیندان ایشتراک ائتمک اوچون آوروپادان هیندیستانا سفر ائدیر مینلر دولار پول خرجله ییر، اسپانیادا ماتادورلارین مهارتین گؤرمه‌یه، هونلاندیادا(هلند) گوللرین چئشیدلی رنگینی سئیرائتمک اوچون، آلمانیادا سوسیس،کالباسین مختلیف مزه سینی دادماغا، فرانسادا، دانمارکیادا چئشیدلی پندیرلرین دادینی دادماق اوچون نه قدر توریست بوبولگه دن دن او بولگه‌یه بیر اؤلکه دن دیگر اؤلکه‌یه سفره چیخیر .
بوگون قونشو تورکیه ده توریستلرین یاردیمی ایله مختلیف سوننتی یئمکلری بیشیرمک، عینی حالدا اونلارا ساتماقلا میلیونلار لیره گلیر الده ائدیلیر، هیچ بیر یئر آلتی ثروتی اولمایان اؤلکه ۵۰ میلیون توریست جذب ائتمه یه چابا گؤرسه دیر .
هر بیر اوجقار کندین ده فرقیلی دبلری، بیشمیشلری، محصول توپلاماق عادت و عنعنه سی‌وار کی باشقالاری اوچون ماراقلی دیر و اگر دوزگون قایدادا سرگیله‌نرسه مینلر، میلیونلار توریست اردوسونو اؤؤزونه طرف چکیب، گلیر الده ائده بیلر .
آذربایجانیمیزین، خصوصیله گؤزل اورمونون‌دا بو ساحه ده بؤیوک پوتانسییلی وار بیر تک لازیم دیر کی اؤلکه وبؤلگه مسئوللاری بو گئنیش پوتانسییلی تانیییب، موساعید اورتام یارادیب، توریسم آخینینا شاهید اولسون، تاسف‌لر اولسون توکنمز توریسم مرکزی اولا بیلن اورموگؤلونو اؤلومجول حالا چئویرمک‌له بیلربیلمز آذربایجانا بؤیوک یارا وورولوب و سونسوز حاقسیزلیق یارادیلدی.
۷۰مین هکتار اورموبوزقیریندا (جلگه سینده ) اولان اوزوم باغلاری اهالینین ایل بویو دولانیشیق و گذرانینی ساغلاامیش و بؤلگه یه بؤیوک طراوت وگؤزللیک بخش ائدیبدیر.
اگر اوزومچولوک ساحه‌سینده قوصور باش وئررسه بؤیوک ضربه گؤروب و تدریجا سیرادان چیخا بیلر .
بیر زامانلار اورمو و کیلومترلربویو مینلر هکتار توتدوق لارا صاحیب ایدی و باراماچیلیق یا ایپک قوردو بسله مک و ایپکچیلیک صنعتی بو بؤلگه ده گئنیش حیات سوروردو .
ایندی ده سبزه وکیشمیش استحصالی رونقین ایتیر دیگی اوچون باغلارتدریجا کیچیلیب مسکونلاشماغا باشلاییر. باغلارین قورونماسیلا یاناشی چالیشماق گرک اوزومچولویه عایید بوتون دبلر، عنعنه لر، مراسیملر اولدوغو کیمی قورونوب ساخلانیلسین و بو ساحه ده توریسم صنعتینه گئنیش میدان وئریلسین .
یقین کی اوزوم فئستسوالی قورولماسی مختلیف اوزوم سورتلارینین نوماییش ائتمه سیله برابر، بوساحه ده چالیشانلارین ساغلام فورمادا یاریشمایا سبب اولااجاق و اهالی شن احوال و روحیه کئچیرمک‌له بیرگه یئنی یئتمه لریمیز اوزوم درمک، سبزه سرمک، اوزوم ازمک شیره سوزمک، دوشاب بیشیرمک، شیره سوورماق، میلاق بورماق، سیرکه سالماق…و بوکیمی امک صرف اولونان ایشلرله یاخیندان تانیش اولوب وگله جکده اوزومچولوک وباغدارلیغا رغبت بسله‌یه‌جکلر.
البت اگر بو دبلر وعنعنه لرین تظاهری معیین سازلی، سؤزلو یئمک، ایچمک وایلنجه‌لی اوقاتلا بیرگه اولورسا تکجه بوشهردن یوخ باشقا شهرلردن ده مسافیرلری جلب ائده بیلر وگله جکده بیر توریسم بؤلگه سینه چیوریله بیلر . اونودمایاق کی هئچ بیر مادی و اقتصادی ماراق یاراتمادان کیمسه گلیر الده ائده بیلمز .دونیادا توریزم ساحه سینده خرجلنمک اوچون پول آشیب، داشماق اوزره دیر و هر گلن مسافیر و توریست خرجله‌مک اوچون گلیر ، ییغماغین باجارماق گرک . اوزوم فستیوالینا گئنیش تبلیغ و مختلیف بؤلگه لردن قوناقلار دعوت ائتمک‌له، گله جک ایللرده گئنیش توریسم آخینینا سبب و اورتام یارادا بیله ریک .
بوساحه ده بوتون امک صرف ائدنلره اوغورلار دیله ییب منتدارلیق بیلدیریریک.
یازار: فیروزه خاوه
تازههای پزشکی هفته به ۴ افسانه در مورد سلامت و بهداشت جنسی میپردازد.
سخنگوی دولت درباره حواشی اخیر سفر یکی از معاونان پزشکیان گفت: سبک زندگی اعضای کابینه، در عین حال که یک موضوع شخصی است، اما باید به‌گونه‌ای باشد که باعث تحریک مردم نشود.
فرماندار ارومیه در روز طبیعت از مراکز مدیریت راهها و کنترل ترافیک بازدید کرد و وضعیت جادههای مواصلاتی این شهرستان را بررسی نمود.
مدیرعامل شرکت آب منطقهای آذربایجان غربی گفت: امسال در ایام نوروز بیش از ۴۸هزار و ۵۰۰ نفر از مسافران و گردشگران از سه سد شهرچای، مهاباد و آغچای بازدید کردند.
ارسال دیدگاه
قوانین ارسال دیدگاه