بئشیک نغمه سی

بو گون بیزیم خالقیمیز اوره‌ک دولو اینام و آرزولارلا اوز کئچمشینه دایاناراق هئچ بیر چتینلیکلردن بویون قاچیرماییب «آماجلاری یولوندا آجی‌لار عشق اولسون» دییه چوخلو مانع‌لردن آشمالیدیلار.

اوشاق بیرینجی گون دونیایا گوز آچاندا هئچ نه بیلمیر.او هر بیر باخیشیندا یئنی بیرشی لرگورور و گورونتولریندن.هئچ ده تعجب‌ لنمیر و اونلاری دونیانین بیر پارچاسی کیمی آنلیور.

بعضا بئشیک نغمه‌سی آدی ایله یاییلمیش لایلالارین دا اوزونه لایلا‌لار بئشیک باشیندا آنا‌لارین خصوصی ریتم و آهنگله زمزمه ائتدیگی نغمه‌لردیر.

بو نغمه‌لرده آنانین اوشاغینا درین محبتی، اونون بو گونونه، صاباحینا بسله دیگی اومودو عکس اولونموش‌دور.

بئشیک نغمه لرین باشلیجا خصوصیت‌لریندن بیری اودور کی، بورادا دا کورپه اساس اوبیئکت‌دیر، لایلانین اوخونماسیندا اوشاغین اشتراکی واجب دگیل‌دیر.

بعضا آنا بئشیک باشیندا اوخویوب یاتیردیغی اوشاقدان آیریلیر، لاکن اوزونون امک پروسئسینده – یون اوررکن، خالچا توخویارکن اوز-اوزلوگونده لایلاسینی داوام ائتدیریر.

لایلا‌لارین باشلیجا خصوصیت‌لریندن بیری بورادا سسلرین اوخشارلیغیندان آهنگدار ریتمین یارانماسی دیر. بعضا آنا لایلالارین سوزلرینی تکرار ائتمیر، عمومی ریتمی زمزمه ائدیر، حزین و آهنگدار بیر موسیقی یارانیر.

بو فوسونکار ریتم سسلرین ریتمی و آهنگدارلیغی دیر. بو، آنانین اوشاغینا جوشغون محبتله یاراتدیغی موسیقی‌نین اثری دیر. بئشیک باشیندا اوخونان بو اوشاق نغمه‌لرینده آنانین اوشاغا  اولان محبتی یوکسک پوئتیک بیر دیل ایله ترنم ائدیلیر.لایلا‌لاردا آنانین چتینلیگی، احتیاجی، غربت دردی، اجتماعی عدالتسیزلیکدن دوغان بویوک کدری ده عکس اولونور.

بیر سیرا حال‌لاردا آنا کورپه‌سینه لایلا دئیه رکن اولادینین گله جگینه بسله دیگی اومودونو، آرزوسونو ایفاده ائدیر اوشاق نغمه لری ائشیدرکن ناغیللارا ایچریدن سئوینج گورسدیب واوزونی اوناغیل لاردا اولانلارین بیری دوشونوب و ناغیللاردان آلینان بو سونوچی ( نتیجهنی) درین بیر حیس ایله  قبول ائدیر و بو سونوچ سون گونهجن اوشاغین آنلامیندا یئر آلیر و اونون دوشونجه یینده  قالیر و بو دوشونجه لر ،یاشایشین گلجک  گونلرینه اونا یول گورسدیرواونون نه جور  یاشاماغینی ایزلندییر. آنالارین اوشاقلارینا محبتی اوقدر چوخ اولار کی بویدوکلری زمان گئنه بو محبت دوام تاپیر.

بوتون یاشامینی فولکلورلارلا یاشاییب، عومرونون سونونا چاتان اینسان، اولدویونده یئنه ده فولکلورلارلا توپراغا وئریلیر. یئنه ده ائشیتدیییمیز ایلک فولکلورلارین یارادیجیسی اولان قادینلارین سسی یوکسلیر. اونلار بیر زامانلار کورپه بیریسی اولان جانسیز گووده یه اوخشاییب آغلاییرلار.

اکبر سعادت