قارتال نیوز/ ایبتیدای تحصیلینی اوز وطنینده آلمیش، موسیقی ساوادی نین الیفباسینی و اوددا چالماغی دا بورادا اویرنمیش‌دیر.سونرادان عرب خیلافتی نین پایتاختینا،بوتون یاخین و اورتا شرقین علم و مدنیت مرکزی اولان افسانوی باغداد شهرینه گله رک،دورونون ان یاخشی اونیوئرسیتئت لرین دن ساییلان “موستنسریه”ده تحصیلینی داوام ائتدیرمیش دیر.او، بورادا فلسفه نین، منتیقین، تیببین، ریاضیاتین، آسترونومیانین و دیل لرین اساس‌لاری ایله تانیش اولور.
موسیقی صنعتینی اویرنمکده داوام ائدن سفیددین ختتات لیقدا دا بویوک اوغور قازانیر.تصادفی دئییل کی، اولجه او، موسیقی ساحه سینده دئییل، ختتات کیمی شوهرت تاپیر و عباسی لر سولاله سی نین سون نماینده سی خلیفه ال-موستسیمین سارایینا دعوت اولونور.
آز واختدا خلیفه نین یاخین اهاته سینه داخیل اولان سنتکار بیر مدت دن سونرا سارای کیتاب خاناسی نین رهبری و باش ختتات تعیین اولونور.کیتاب‌لارین اوزونو کوچورمک و کیتاب‌خانا رهبرلیگی سفیددینی موسیقی تحصیلینی داوام ائتدیرمک دن یاییندیرمیر، عکسینه زنگین کیتاب خزینه سینده او،اوز بیلیگینی آرتیریر، ائله‌جه ده سارای داکی قبول‌لار زامانی اود چالماسی ایله هامی‌نین رغبتینی قازانیر.اونون اود چالغی‌سی باره ده بیر نئچه افسانه وار.
بیر افسانه ده دئییلیر کی،قیرخ گون سوسوز قالان دونی آرخا بوراخیرلار.بو زامان تصادفن صفی الدین اورالاردا اود چالیرمیش. دوه آرخا چاتهاچاتدا اودون سسینی ائشیدیب آیاق ساخلاییر.
صفی الدین چالغی‌سینا آرا وئردیکجه، دوه سویا دوغرو دارتینیر، او، چالغی سینی داوام ائدینجه، دایانیر.آرتیق اوچونجو موسیقی پارچاسی چالیناندا دوه‌نین گوزلرین دن یاش آخیردی.دانیشیلان باشقا بیر احوالات صفیددی نین مشهور باغداد باغلاریندان بیرینده اود چالماغی حاقیندادیر.او،چالدیقجا باغدا اوچان بولبول قاناد ساخلاییر.
یاخین لیق داکی بوداق‌لاردان بیرینه قونوب اودون باغرین دان قوپان سئهرلی سس‌لره سانکی قولاق کسیلیر.موسیقی بولبولو ائله تسیرلندیریر کی، او داها دا یاخین‌لاشاراق اوخوماغا، قانادلارینی موسیقی نین هاواسینا اویغون چیرپماغا باشلاییر. بیر آز سونرا ایسه بولبول قورخوسوز-هورکوسوز آدام‌لارین آراسیندا جه-جه وورماغا باشلاییر. صفیددین اوزونو هم ده ایستعدادلی پئدوقوق کیمی تانیتمیشدی. بوتون شرق عالمینده اونلو سنتچی لر کیمی آد چیخارمیش بیر چوخ موسیقیشوناس‌لار اونون شاگیردلری اولموش‌لار.
(مشهور آزربایجان موسیقیشوناسی ۱۳-۱۴ عصرلر) ابدولقادیر ماراغایی اوزونون “مقاسیدول-الهان” اثرینده یازیردی کی، ابدولمومین صفیددین اورموی بیر چوخ گورکم لی شخصیت لرین معلمی اولموش‌دور. بون‌لارین سیراسیندا شمس الدین سوهروردی، علی سیتان، حسن ظفر و حسام الدین قوتلوق بوغا کیمی تانینمیش موسیقیشوناس‌لارین آدلاری چکیلیر. صفیه دان ایکی یئنی موسیقی آلتی یاراتمیشدی-“نوزهه” و “موغنی”. نوزهه معاصر آرفا (چنگ) و کانونا بنزییردی.
بو آلتین ۸۱ سیمی واردی. سویود، سرو و یا شومشاددان دوردبوجاق شکلینده دوزلدیلیردی.موغنی نین ۳۳ سیمی واردی و خاریجی اوخشارلیق باخیمین‌دان روبابا بنزییردی. ساده‌جه چاناغی ایری ایدی. موغنی اریک آغاجین دان دوزلدیلیردی. بون‌دان باشقا صفیددین هم ده ایستعدادلی بستکار ایدی. اونون صنعتی نین بو جهتی حاقدا دا افسانه دولاشماقدادیر.
دئییرلر کی، باغداددا لیززهخان آدیندا بیر موغننی یاشاییرمیش. او، تئز-تئز صفیددینله گوروشر، بیرلیکده چالیب-اوخویارمیش‌لار. صفیددین اونا موسیقی درسی کئچرمیش. بیر گون، سارای قبول‌لاری‌نین بیرینده لیززهخان گوزل بیر ماهنی اوخویور.
ماهنی هامییا خوش گلیر و خلیفه اونون مولفی نین آدینی سوروشور. بستچی‌نین صفیددین اولدوغونو بیلنده اونو قبولا دعوت ائدیر و بوتون قوناق‌لار سنتکارین اوددا چالدیغی موسیقی لردن فئیزیاب اولورلار. ۱۲۵۸-جی ایلده چینگیز خانین نوه‌سی هولاکو خانین سرکرده‌لیک ائتدیگی مونقول قوشون‌لاری باغدادی توتور.
خلیفنی عائله‌سی ایله بیرلیکده اعدام ائدیرلر و بونونلا دا ۶۰۰ ایللیک عرب خیلافتینه سون قویولور. خلیفه نین یاخین آدام‌لاری آختاریلیردی و صفیددی‌نین ده آدی بون‌لارین سیراسیندا ایدی. اونو شخصا تانیمیش تاریخچی لردن حسن اربه لنی همین حادثه لری بئله تصویر ائدیر: صفیددی نین یاشادیغی محله هولاکو خانین قوشون‌لاری ایله اهاته اولونموشدو.
محله جامااتی، خصوصیله ده سفیددین اولوم تهلوکه سی آلتیندا ایدی لر. قوشون سرکرده لرین دن بیری اوتوز نفرلیک دسته ایله صفیددی‌نین یاشادیغی مولکون قاپی‌سینی سیندیرماغا باشلادی. ائو ییه سی جسارتله دویوشچولرین قارشی‌سینا چیخاراق، اونلاری ادب-ارکانلا ائوه دعوت ائدیر.
سارایدا یاخشی دیپلوماتیا مکتبی کئچمیش سفیددین “قوناق‌لار”لا اومومی دیل تاپا بیلیر. چوخ سوز-صحبت‌دن سونرا دسته باشچی سی محله جامااتینا توخونمادان، صفیددینی گوتوروب، هولاکو خانین حضورونا گتیریر. سنتکار اودونو کوکله ییب، هزین بیر مئلودیا چالیر، ضیا آدلی موغننی ایسه اوخوماغا باشلاییر.
خانین یانین‌داکی‌لارین هامی‌سی صفیددی‌نین اوستالیغینا و آغلینا اهسن دئییرلر. هولاکو خان اونا اؤز ساراییندا ایش تکلیف ائدیر، محله جامااتی ایسه تهلوکه دن قورتولور.هولاکو خانین وزیری شمس اد-دین جووئینی (تانینمیش تاریخچی الاددین جووئینی‌نین قارداشی) صفیددینی اؤز حمایه‌سی آلتینا آلیر. اوغلان‌لاری بهاددینله شرفددی‌نین تربییه‌سینی اونا هواله ائدیر.
صفیددین اونلارا هرطرف لی تحصیل وئرمه‌یه چالیشیر.لاکین طبیعی کی، موسیقی درس لرینه خصوصی فیکیر وئریر.شرافددین تحصیل دکی اوغورلاری ایله معلمی‌نین هوسن-رغبتینی قازانیر و اورموی تبریزده قلمه آلدیغی بئش حیسه لیک مشهور “ریسالئیی-شرفی” آدلی موسیقی ریساله سینی اونا اتحاف ائدیر. جووئینی لر عائله سی حوکمدارین نظرین دن دوشدوک دن سونرا صفیددین اومرونون سون ایللرینی یوخسوللوق ایچینده کئچیریر و ۱۲۹۴ -جو ایلده باغدادداکی بورج‌لولار حبس‌خاناسیندا دونیاسینی دییشیر.
ادامه سی وار / چئویره ن: اکبرسعادت
در راستای ارائه خدمات نوین کتابخانه ای و همزمان با افتتاح نمایشگاه کتاب و در ادامه بازطراحی کتابخانه، اتاقک‌های مطالعه اختصاصی کتابخانه مرکزی آذربایجان غربی به بهره برداری رسید.
شاید وقتی در فضای مجازی میچرخید بارها به واژه گرمخانه برخورد کرده و بدون اینکه حتی مکثی برای درک یا دریافتی از این کلمه بکنید به سراغ واژه یا سوژه بعدی رفته باشید .
فرمانده انتظامی چهاربرج از کشف دو هزار و ۲۸۰ کیلوگرم آرد خبازی شامل ۵۷ کیسه ۴۰ کیلویی آرد خبازی فاقد مجوز قانونی توزیع در این شهرستان خبر داد.
مدیر کل راهداری و حملونقل جادهای آذربایجان غربی از تردد بین استانی بیش از ۳ میلیون وسیله نقلیه در مهرماه سال جاری خبر داد.
ارسال دیدگاه
قوانین ارسال دیدگاه