تولکو و قارغا حیکایه سی عاشیق علسگرین شعرینده

تولکو ریاکارلیق، آرا ووروشدوران،یالانچی و شر توره دن سمبولی دی…تولکو بوتون حئیوانلاری آلدادا بیلیب و کلک بازلیق لار و اوغولوق لا تغذیه ائله ر.

کلاسیک و فولکلور ادبیاتیمیزدا، تولکویه عایید چوخلو شعر و نظم و داستانلار واردی…او جمله دن ائلیمیزین قدرتلی شاعرلری، عباس صحت- ملا باقر خلخالی و چوخلو شاعرلر اوز اثرلرینده تولکو حاققیندا شعرلر و داستان لار یازیب لار

عاشیق علسگربوباره ده دئییر:

تولکو گزنده ییخیلیب ناگهان

بیر قویویا دوشموشودو بیر زامان

تورپاغا سوتموشدو اوزون هم گوزون

قورتارا بیلمزدی اولومدن اوزون

دوشدو قضادان اورا قوردون یولو

باخدی که گورسون، قویو بوشدو، دولو؟

تولکو اونو گوردو سلام ائیله دی

آغلادی یالواردی بئله سویله دی:

قورد”  له له “سندن ائدیرم التماس

سن منی بو تهلکه دن قیل خلاص

قورد دئدی: چوخ چوخ یانیرام حالینه

خاطیریم آشفته دیر احوالینه

بیلمیرم آخشام ائده جک سن نئجه؟

صبح آچاجاقسان نه سایاق بو گئجه

تولکو دئدی: چوخ ساغول ای قورد له له

بوش دانیشیقدان نه یئتر حاصیله

سن بئله هرگاه منه غمخواریسن

حالیمه رحمین گلیب آغلاریسن

بیر قده ر ایپ تاپ منه قیل الطفات

وئر منه بیر نوعیله بوردان نجات

یوخسا کی ائتمز قورو سوز اکتفا

ایش گره ک اولسون؛ نه کی بوش ادعا