تولکو و قارغا حیکایه سی میرزا علی اکبرصابرین شعرینده

دونیادا و مخصوصا ائل ادبیاتیمیزدا و شفاهی خالق ادبیاتیمیزدا، حئیوانلار حاققیندا چوخلو ناغیل لار و حیکایه لر وار که اولارین اساس ایشتراکچیلاری حئیوانلاردیلار و بو ناغیل لارین قهرمانلاری: تولکو، قورد، دووشان،ایلان، کئچی، خوروز، آت و آسلان دیلار…

ان چوخ ایشله نن حئیوان تولکو دی. تولکو ناغیل لاردا رنگ به رنگ دونلارا گیریر و حیله و کلک بازلیقلا، چوخلو یئرلرده، غالب گلیر.

قارغا و تولکوحیکایه سینده، تولکونون قارغادان پندیر سالدیرماسینی شاعر میرزا علی اکبر صابر طنزه چکیب و بئله دئییر:

پئندیر آغزیندا بیر قارا قارغا

اوچاراق، قوندو بیر اوجا بوداغا

تولکو گورجه ک یاواش یاواش گلدی

ائندیریب باش، ادبله چونمبلدی

بیر زامان حسرت ایله قارغایا ساری

آلتدان آلتدان ماریلتدی باش یوخاری

دئدی: احسن سنه آ، قارغا آغا

نه نزاکتله قونوبسان بوداغا

بزه دین سن بوگون بیزیم چمنی

شاد قیلدین بو، گلمه یینله منی

نه گوزه لسن، نه خوش لقاسن سن

یئری وار سویله سم: هماسن سن

توک لرین دیر ایپک کیمی پارلاق

بد نظردن وجودون اولسون ایراق

بو یقین دیر کی وار سئویملی سسین

اوخو وئرسین منه صفا سسین

بئیله سوزدن فرحله نیب قارغا

آغزینی آچدی تا کی ائتسین غا

غا ائدرکن هنوز بیرجه کره

پندیری دیمدییندن ائندی یئره

تولکو فورا هواده قاپدی یئدی

قاراغایا طعن ایله بئله دئدی:

اولماسایدی جهاندا سارساقلار

آج قالاردی یقین کی یالتاقلار

یازار : اکبر سعادت