قارتال نیوز/ آشاغیداکی یازی اورمو گولون دیلینده یازیلیب.اومودوم وار اوخویوب و یاردیم اولاق اورمو گولونه.
باشینین ساغلیغینی دیله گتیره بیلمیره م. آخی دیلیم آغزیمدا یانیر، منیم آذربایجانیم. بالالارینی دوشونه آل. سود وئر سونرا تورپاغین برکتلی اولسون دئیه اونلاری بیر داها دیریلده بیلرسن. آنجاق آنالارا قییما قادان منه. سینه نین ترپنمه سی بیلیره م اینجیدیب سنی. دیسکینیب دوداق لارین. واختی ایلا اورمویا تیتره ین دوداق لارینی دئییره م اولسون منیم یاخچیم اولسون پیس گونون عؤمرو آز اولار. دؤزسه نم. سونراسینی آللاه بیلر نه اولار.
آنجاق ایندی داها دینجل بیر آز. قوی قورخودان اسمه جه یه دوشن بالالار بیرآز یاتسین لار دوشنده. قوی آنالار قونداق لی کؤرپه لرینی سنه باسدیرسینلار. قوی آتالار گیزلینجه آغلادیق لارینی ترک ائدیب اوشاق لارینین صاباح لارینی دوشونسون لر. سونراسی نی یئنه آللاه بیلر.
دوشونده قبیر یئر قالماییب بیلیره م. نئجه کی بیزده صبیر یئری یوخ. آمما نئیله مک نه نه م منیم.؟ طالئین نه یازدیغینی بیزه اوخوتمامیش کیمسه. اللریمیزی باغلی ساخلاییب هله لیک فلک. دونن وطن دئیه اوغوللاریمیزی قوربان وئردییمیز قونشولار ایندی آغیزلاریم سو آلیرلار. اولسون وطن اولسون. بو بورجوموزودا اوده یه ریک بیر گون. سونراسی نی یئنه آللاه بیلر.
سن بیزیمله مهریبان سان . کوکسونو یاریب چوره ییمیزی وئردیینی بیلیرک. عاییب لاریمیزی اورتدیونو بیلیرک. داغ کیمی دایاق اولدوغونو بیلیریک. اولارمی آدیندان مهریبانلیق پوزولسون؟ یوخ سن هله بیزیم یاخچیمیزسان. مین لرله ده ایسته سن قوربان وئره ریک آنجاق بیلیریک سن بونا قیمازسان. گل ایندی ال اله یارالاریمیزی باغلایاق. سن بیزیم بیز سنین. سونراسینی آللاه بیلر.
من بیر قاری گولم، اوزون زامان‌لاردان بری بو اولکه ده یاشیرام، بیر آنا کیمین آرتئمییالاری، قوشلاری و هر جان‌لی کی منیم اطرافیمدا یاشیر، اولاری ازلدن بسله ییب سیزله ره ساخلامیشام.
من عومور بویو سیزین بویوک بویوک آنا، آتالاریزی گوروب و آزربایجان میللتی‌نین توم تاریخده نئجه جسور، نئجه غئیرتلی اولدوغونو، نئجه زولمون سیتمین قارشی‌سیندا سس سیز قالماییب توم جسارتیله ساواشیب، نئجه مین‌لر شهید وئریب آما دایانیب و گله جکه گوج‌لو آتدیم آتدیغینا شاهیدم.
آخی منده بوتون آذربایجان میللتیله یاشامیشام، یاشیرام، آما گله جکین نه اولدوغونو بیلمیره م!؟ بیلمیره م یاشییاجاغام یوخسا یوخ؟ بیلمیره م گلن نسللرین خاطره لرینده اولاجاغام یوخسا یئریم بوش قالاجاق؟ منیم گوروشومه گلنده سیزلری باغریما باساجاغام یوخسا کی ساده جه منده ن قالان دوزلار ال و آیاقلاریزی یارالییاجاق؟
جان قورتاریب نفسیمی کسیب لر
غم یئللری منیم اوستدن اسیب لر
من اورمویام منده گمی گزردی
دورنا قوشو باشیم اوستون بزردی
آخی منیم گوروشومه گلنده سئوینجیزی، اوزونتوزو گاه‌دان اوزمکیله گاه‌دان داش آتماغیزلا پایلاشمیشام.هئچ واخت سیزین اوزونتوزو گورمک ایستممیشم بیر آنا کیمین، سیز اوزرکن سیزی باغریما باسیب سیزه گوز اولموشام، اوزمک باشارمییانلاری قوجاغیمدا دولاندیریب بوغولماق‌لارینا مانع اولموشام.
نئچه مین ییلار سیزلردن هئچ نه ایستممیشم آما بو گون گلیب چاتیب کی من ده دوزه بیلمه ییب هارای چکیرم من سوسوزام.من آذربایجانین یاشام باغییام منیم اولومومله بوتون آزربایجان یاشامین ایتیره جک.آرتئمییا‌لار قان آغلاییب، قان کیمین آل اولدوم، نئجه منی گورمورسوز؟نئجه آذربایجانین تالئیندن اوز چئویریرسیز؟
منیم بو گون سیزلره ایهتییاجیم وار گلین آی باجیم گلین آی قارداشیم گلین فریادیما یئتی‌شین من سوسوزام… بو گون اورمو گولونون یاشامی هر طرفدن خطرددیر.بو گولو بیز قورتارمالیییق و او گولو قورومانی اوزوموزه موقددس بیر وضعیفه سایمالیییق.
قدرینی ائل بیلیر ، عطرینی گول بیلیر…
ساچینین آغینا قاراسینا قوربانام…
یازار: اکبرسعادت
بهمناسب گرامیداشت هفته دولت یک واحد بوم‌گردی در سردشت با حضور مسئولان به بهرهبرداری رسید.
روزنامه نگار پیشکسوت آذربایجان غربی با بیان اینکه خبرنگار و گزارشگر باید هوشیار، کنجکاو و نکته سنج باشد، افزود: ما خبرنگاران باید پیگیر مسائل حقوقی و اجتماعی مردم باشیم و لذا معتقدم که خبرنگار بدون روحیه مطالبه گری، همانند یک کارمند ساده هست و کارمند نمی تواند از مدیران مطالبه گر و پرسشگر باشد.
به گزارش پایگاه خبری قارتال نیوز، علی شمس ضمن اعلام این خبر گفت: در راستای صیانت از منابع آبی تعداد ۶۲ حلقه چاه غیرمجاز توسط کارشناس آب‌های زیرزمینی و با همکاری اکیپ گشت و بازرسی و با جلب رضایت و توافق مالکین چاه‌ها در شهرستان میاندو آب پر و مسلوب المنفعه شد. وی افزود: با […]
مدیرعامل سازمان آتشنشانی و خدمات ایمنی شهرداری میاندوآب گفت: سقوط یک دستگاه خودروی سواری پژو به داخل کانال آب منجر به بروز حادثه شد.
ارسال دیدگاه
قوانین ارسال دیدگاه