قارتال نیوز/ ده قورقود دستانلارى مضمون و تاریخى باخیمدان آیرى – آیرى اولاى وماجرالارى یوکلنمیش اولسا دا، بو اولایلار و ماجرالار اولکه میزین تورپاغی ایله ایلگیلیدیر.دده قورقود دستانلارى کیمى فولکلوریک اثرده، دستانلارین تاپیلیش ویارانیشى بیر مسأله و اونون یازیلیشى و کیتاب شکیلى آلماسى ایکینجى مسأله دیر.
آیری جور دئسه ک، هر فولکلوریک اثرین ایشین باشلانیشیندا بیر سویله‌ینى و قوشانى دا اولموش اولسا، تاپیلیش و یارانیشدان سونرا مودتلر و بلکه‌ده اوزون عصیرلر سینه‌دن سینه‌یه نقل ائدیلیر، جمعیتین‌گلیشمه‌سى ایله بیر سیرا آرتیب اسکیلمه‌لر، بیر چوخ ماجرالارین‌اونودولماسى و تئزه حادیثه‌لرین آرتیریلماسى ایله اوزاوزه گلیر و سونرا شاید ده یازى و کیتاب پالتارى گئییر. فولکلوریک اثر نه قدر قدیم اولسا، بو دییشیکلر اوندا داها چوخ اوز وئریر.
دده قوروقود دستانلاریندا اولان ائل اوبالار، ایسلامى قبول ائتمیشلر و بیرچوخ شراییطده ایسلامى یایماق «کافرین کلیساسین ییخیب، یئرینه مسجید یاپماق و بان بانلاماق» اونلارین ووروشلارینین اساس عیلتى کیمى سانیلیر. دویوشلرده اله گلن غنیمتلردن «خانلار خانینا» بئشده بیرچیخیرلار.
دستانلاردا کربلا حادیثه‌سینه ایشاره ائدیلمیش و ایسلام مقدس سیمالارىنین آدى یئر به یئر تکرار ائدیلیر. لاکین ایسالاما گوستریلن بوتون بو ایلگى و تعصوبله برابر، ایسلامى سونتلر اونلارین آراسیندا هله درین یئر آچماییب و اونلارین ماجرا دالینجا اولدوقلارى، مذهبى اینانجدان داها چوخ قؤومى خوصوصیتلردن باش‌آلیب گلیر.
دده قورقود کتابیندا و یا دونیاسیندا پیس بیر انسانلا اوز – اوزه گلمیریک.اوغرولوق، آدام اولدورمه، خیانت و … بو دونیادا یئری یوخدور. بونلار واردیر، آنجاق دده قورقود دونیاسیندان ائشیکدهدیلر و بو یوردون قهرمانلاری – ایگیدلری و(قادین لاری) خانیم لاری اونلارلا دویوش اوچون آیاغا قالخیرلار بلکه آنایوردلاریندا بو اوزه للیکلر پوزولماسین.
بو کیتاب دا قادینلار کیشلر قدر حورمته لاییقدیر. بورادا بیرچوخ شرق افسانه‌لرینین عکسینه اولاراق، قادین،بوتون اینسانى دویغولارى و اخلاقى یوکسک آنا روتبه‌سیله جیلوه‌له نیر. همسر سئچمکده چوخ‌عادى رسم روسومدان بیرى قیزلا اوغلانین آت چاپماقدا، کامان چکمکده و شمشیر وورماقدا برابرلیگى دیر. آنا حقى – تانرى حقى،دستانلاردا بیر نئچه یئرده یاد ائدیلیر.
آنا محبتی:
دده قورقود کتابیندا بوتون بولوم لر آنا محبتی بزهمیشدیر؛ لیریک پارچالاردا آنالار بوتون وارلیقلاریلا اوغلو – قیزا باغلی اولدوقلاری، اونلارین وارلیغینی اوز عومورلریندن واجب و عزیز اولدوغونو یوخاری محبت ترانهلری ایله سؤیله نیلیر. آنا هیجانی، آنا محبتی جوشغون و دورو وارلیغیندان قالخیب و درین اجتماعی – حیاتی معنانین احاطهسینده هیجان مقامیندا اوزونه یئر تاپیر. بورادا داستانلار بویو و شعر اوزونو آنا طبیعتی نین حسی، احساسی دورومو افاده ائدهن بدیعی لوحهلر یارادیر.
آنا محبتی بو کیتاین و اونون لوحه لرینین اساس موضوعودور، بو محبت نه خارقهلر کی یاراتمامیش!؟ بویوک قهرمانلار بو محبتدن ائله گوج آلیرلبار کی یئکه حیوانلاری قالخیزیب یئره چالیرلار؛ لاپ غدار دوشمنی باسیرلار و مقدس آرزیلاری دیریلدیرلر…
آنجاق بونو دئمه لییم کی : دده قورقود کتابیندا اولان آنا محبتی، هئچ بیر فولکولوریک اثرده بئله گوزهل و انسانی صورتده گوستهریلمهمیشدیر.
یازار: اکبر سعادت
جانشین فرمانده انتظامی استان آذربایجان غربی از دستگیری عوامل قتل معلم بوکانی ظرف یک هفته در یکی از استان های همجوار خبر داد.
سرمربی تیم فوتبال تراکتور گفت: امسال نمایش‌های درخشانی از تراکتور دیدهام و می‌خواهیم به این روند ادامه دهیم.
رئیس اورژانس آذربایجان غربی، از افزایش قابل توجه تماسهای اورژانسی و مصدومان حوادث ترافیکی در تعطیلات نوروزی خبر داد.
استاندار آذربایجان‌غربی گفت: تنها راه برون رفت از مشکلات فعلی کشور عمل به شعار سال رهبر انقلاب و سرمایهگذاری با هدف رونق تولید است.
ارسال دیدگاه
قوانین ارسال دیدگاه