عاصم اردبیلی دن بیر شعر

نه وامق من/ نه عذرا سن/ نه من مجنون/ نه لیلا سن

منی جانا گوزون ده غرق ائده ن طوفانلی دریا سن

دیریلدیرسن نگاهینله توکورسن قان سپاهینله

منیم ظنیم جه گه چنگیز سن/ گاهی مسیحا سن

نه قهرین ده ن منیم ایمن قالار بو قان اولان کونلوم

نه مهرین ناردن ساخلار منی اولما زلیخا سن

سنیلن من منم سن سیز کیم ام ای نازنین بیلمه ام

بونو بیللم کی ذهنیمده آچیلماز بیر معما سن

بوغازیمده ن قوپان های سان/ منه حق ده ن چاتان پای سان

دئیه بیلمه ام کیمه تای سان/ کی سن هر حسنه دارا سن

بولاق سان داغ دوشونده یا قیزیل گول سن یاشیل باغدا

کی بوندان باش گلر سن/ عطرده اوندان مصفا سن

سوزون وارسوزلو سازلاردا/ ایزین وار شانلی یازلاردا

دنیز خوی لی آرازلاردا/ زامان تا واردی گویا سن

کیمه بیربوغدا غیرت چاتسا سنده ن غیره باش اگمه ز

بلی سن آدمی آلداتمایان بیر آیری حوا سن

عنایت قیل سنین بیر غمزه وون محتاجی دیر “عاصم”

کی سن قسمت ده سئل لر سهمی سن عصمتده  سارا سن