قارتال نیوز، اونون یاراتدیغی محبت ترانه لری دیللر ازبری اولاراق/ اولکه لره دولاشیر، اوره کلری فتح ائدیر. شاعرین اوچ دیلده ( یعنی آذربایجان، فارس و عرب دیللرینده ) یازدیغی اثرلر کاشغردن باشلامیش بالکان لارا – قازاندان باشلامیش مصره قدر گنیش بیر ساحه ده یاییلیب.
فضولینین خصوصاً آنا دیلینده یازدیقی شعرلرینه قول قاناد وئریب بو سوز اینجیلرینی ائلیمیزین دیلی کیمی آنلاشیلان بوتون اولکه لرده شهرتلندیرن اساس قوه “محبتدیر”… در واقع/ بوتون شعرلرینده بیر آن محبت دن اوزاق دوشموروق…
“انسانا، انسان گوزه ل لیگینه درین حرمت”، خلقه، وطنه محبت، یاشاماغا و امگه محبت فضولی شعرلرنین اساس قدرتی دی…
فضولی تخمیناً ۱۴۹۸ نجی ایلده عراقین کربلا شهرینده دوغولموش و تحصیلینی بغداد شهرینده تماملامشدیر.
” علم سیز شعردن، قالب بی روح کیمی ” – نفرت ائدن شاعر/ هله گنج یاشلاریندان غزل لر یازاراق اوچ دیلده دیوانلار یاراتمیش، ایلک دفعه نظامی گنجوی نین یازیلی ادبیاتا گتیردیگی ” لیلی و مجنون ” موضوعونی آنا دیلینده بویوک صنعتکار لیقلا قلمه آلمیش ” بنگ و باده ” و ” صحبت الاثمار ” کیمی کنایه لی و تمثیللی اثرلر یاراتمشدیر.
فضولی/ عرب، فارس و آذربایجان دیللرینده قلمه آلدیقی قصیده لری آیریجا بیر اثر کیمی ترتیب ایدیب اونلارا خصوصی بیر مقدمه ده یازمشدیر. او فارس دیلینده دیوان دان علاوه ” رند و زاهد” ، “صحت و مرض” آدلی نثر، و “هفت جام ” و ” انیس القلب ” آدلی منظوم اثرلرده یاراتمیش… که ” انیس القلب ” اثرایله/ بویوک شاعر خاقانی شیروانی نین مشهور ” قصیده شینیه ” سینه جواب ویرمشدیر.
فضولی انسان پرور، بشر دوست شاعر دیر. دنیا لذت لرینی، طبیعت گوزه للیک لرینی ئوز صنعتکار قلبی ایله دویان و سئون شاعر انسان گوزللیگینی داها یوخاری قیمتلندیریر. انسان گوزللیگینی بوتون نعمتلردن اوستون ساییب، دییر:
ای فضولی، عالمین گوردوم هامی نعمتلرین
هیچ نعمت گورمدیم دیدار دلـبر تک لذیذ
او انسانی بیلیک لی، امک سئور، عدالت لی گورمک ایستییر. دیوانلاریندا علم، زحمت و آزادلیق ترنم ائدیلیر. معاصرلرینه، خصوصاً گنجلره مراجعت ائدیر.
خلق ایله باغلی اولدوغوندان دفعه لرله اوندان بحث آچیر:
پریشان خلق عالم آه و افغان ائتدیگیمدندیر
پریشان اولدوغوم،خلقی پریشان ائتدیگیمدندیر
دئییل بیهوده گر یاغسا فلکدن باشیما داشلار
بناسین تـیـشه آهیمله ویران ائتدیگیمدندیر
و بعضاً دییر:
توکدوکجه قانمی اوخین اول آستان ایچر
بیر یرده یم اسیر که تورپاغی قـان ایچر
فضولی ۱۵۵۸ نجی ایلده کربلا ده وفات ائدیر… بو بویوک شاعرین روحو شاد اولسون.
بار محنتدن نهال قامتین خم اولماسین، باشیمیزدان سایۀ سرو قدین کم اولماسین. حاصلیم رخسار و لعل و چشم و غمزه ن اولماسا
عمر بیر آن/بیر نفس/ بیر لحظه، بیر دم اولماسین! گرد راهین عزم گردون ائتدی کیم، بو قدرایله، شهرۀ عالم همین عیسی مریم اولماسین.
التماس ائتدیم صبادن توتیا چکدیرمه یه، آغلاما، ای گؤز، غبار درگهی نم اولماسین. سن تک آفت گلدیگین بیلمیشدی کیم، حقدن کیم ملک التماس ائیلردی کیم، عالمده آدم اولماسین. دیر ایمیش زاهد کی، اولماق عیب دیر رسوای عشق، بو سؤزو فاش ائتمه سین، رسوای عالم اولماسین. ای فضولی، ذوق درد عشقه نقصان حیف دیر، احتیاط ائت، پنبۀ داغیندا مرهم اولماسین.
فضولی
یازار: اکبرسعادت
رییس مرکز اطلاع رسانی پلیس راهور آذربایجان غربی گفت: در تصادفاتی که خسارت تا چهل میلیون تومان است نیازی نیست رانندگان منتظر حضور پلیس باشند.
مدیر عامل شرکت آب و فاضلاب شهرستان خوی گفت: استفاده کنندگان غیرمجاز از آب شرب در سطح شهر‌ها و روستا‌های شهرستان در صورت عدم مراجعه برای رسمی کردن انشعاب آب و خرید اشتراک، مشمول پرداخت جریمه می‌شوند.
مسئول گروه رسانه قارتال طی نامه ای ضمن حمایت از نامزدی دکتر پاک آیین، بصورت رسمی انصراف خود را از نامزدی بیستمین دوره انتخابات نماینده مدیران مسئول در هیات نظارت بر مطبوعات اعلام کرد.
هجدهمین نمایشگاه بینالمللی تخصصی طلا، جواهر، نقره، گوهرسنگ و صنایع وابسته از ۲۳ آبان در تبریز برگزار میشود.
ارسال دیدگاه
قوانین ارسال دیدگاه