فولکلوروموزدا ” آت”

قارتال نیوز_اورمیه: آت اوستونده دوغولوب بویا باشا چاتیب؛ ائله جه ده آت اوستونده اولن آتابابالاریمیز او قدر بو حیئوانا باغلی اولموشلار کی تاریخ چی لرین دئدیینه گوره، بوتون ائل لرین تاریخ بویو قازاندیقلاری ظفرلر، تکجه آت نان مومکون اولموشدی.

حتی دئمک اولار بیرینجی حیئوان دی.آت اوستونده دوغولوب بویا باشا چاتیب؛ ائله جه ده آت اوستونده اولن آتابابالاریمیز او قدر بو حیئوانا باغلی اولموشلار کی تاریخ چی لرین دئدیینه گوره،  بوتون ائل لرین تاریخ بویو قازاندیقلاری ظفرلر، تکجه آت نان مومکون اولموشدی

اسکی چاغلاردان، قدیم دووره لردن بئله، آت،آتابابالاریمیزین ان صادیق یاری اولموش.ایکی جان بیر قالیب دوست کیمی. حتی اولندن سورا دا، بوتون آت لار بیر سمبول و بیر نماد کیمی یاشاماق حالیندا قالیب لار…درواقع آدلاری هر زامان تاریخ ده قالیب.

آتابابالاریمیز گوزل و درین دوشنجه لری باعث اولوب کی زامان زامان بو نجابتلی حیئوانا گوزل گوزل آدلار وئرسینلر:

ارگون: چوخ سورعتلی قاچان آتا دئییرلر

آلا آت: قارا آت و یا بعضا چیل آت… چیل چیل آتا آلا دئییرلر

اریخماق: گوجلو و گینه ده سورعتلی قاچان آتا دئییرلر

ارقین: بیر آت کی معمولا یاریش لاردا شرکت ائله لر اونا دئییرلر: ارقین …یاریش آتی.

قولون: آتین بالاسینا و بیر یاشیندا و سوددن آچیلان زامان، آتا دئییرلر: قولون و دای/تای: آت بالاسی ایکی یاشدان تا اوچ یاشا کیمی ده آدی :  دای تای دی

آتا آناسی نجیب اولان آتا دئییرلر: کسمه( نجیب درواقع اهلی آت)

یورغا: بعضا بیر سری آت لارین اوزلری چوخ گوزل اولار… کی دئییرلر: یورغا آت دی

ساش آت: بیر سری آت لار وار کی وحشی دیلر و چوخ چتین رام اولارلار …اولارا دا دئییرلر: ساش آت

جوققا: معمولا او آت کی چوخ سرعتلی قاچیر و یاریش دا دا شرکت ائلیر دئییرلر جوققا…( چاپار آتی)

رنگی آت لاردان دا ایسته سه ق بیر نئچه سین آد سایاق بئله دی که:

بول آت: ال آیاغی آغ اولان آتا دئییرلر: بول آت

قوبا: آرا بیر ساری توکلو و آغ و قیرمیزی رنگلی آتین آدی قوبا دی

تیس آت: ایکی گوزونون آراسی آغ اولان آتا دئییرلر تیس آت…( بو آت اولکه میزده ده چوخ گورونور و درواقع نژآدی بیزیم منطقه لره عایید دی و چوخ گوجلو و یاریش لاردا شرکت ائله یه ن آت دی)

یازار: اکبرسعادت