قارتال نیوز ; وطنین کولترونو قارتال کیمی قاناتلاندیریب یوکسکلره قالدیرمالیدیر

اسکی چاغلاردا (عصر)سومئرلرده و هیتیتلیلرده ده قارتلا راستلانیر. سومئرلرده لاقاش شهرینین سیمگه سی جوت باشلی قارتالدیر. اورتا آسیادا یئر ایله گؤی آراسیندا کی چلیک(چدن) قاپینی بو قارتال توتار. انسانلارا یئر و گؤی آراسینداکی یولجولوقدا (مسافرت)ائشلیک(همراهی) ائدر. قارتال قوشلار آراسیندا اولولوک(بزرگی و تعالی) ؛ غرور و اونور ( شرف)سیمگه سیدی. بو اوزدن تورکلر قلیچ قبضه لرینه قارتال باشی قازدیریردیلار(حک). جوت باشلی قارتال 3000 ایل میلاددان اؤنجه بین النهرین ده(mezopotamya) گؤروندو و سونرالار اورتا آسیادا (آسیای مرکزی)یاییلدی. اورتا آسیادا جوت باشلی قارتال نظرلیک؛ تیلیسم(جادو)؛ آیدینلیق (روشنگری)و گونش سیمگه سی ده ایشلنیر. آرتوقلو سیکه لرینده و آنادولو سلجوق بایراقلاریندادا گؤرونور جوت باشلی قارتال. بیزانسلاردا جوت باشلی قارتالی کلیسا و امپراطور بیرلشمه(اتحاد) سیمگه سی اولاراق بلگه لرده یئرینی آیر. بو سیمگه 14 اونجو عصردن سونراآسیادان اروپا و آمئریکا یا قده ر جوت باشلی قارتال سیمگه اولاراق بایراقلاردا و باشقا درنک(انجمن) و قوروملاردا (نهادها)گؤرونور. سون اولارق دا قارتال بوتون ادیانلاردا اؤزللیکله( مخصوصاً) دینلرین عرفانیندا بویوک آنلام (معنا)و اؤنم( اهمیت) داشیر. آچیق گؤنوللو و تانریا و گؤکلره عاشیق اولما سیمگه سی کیمی معنالانیر. بیزده قارتال نیوز آدلی سیته میزده تورک بولگه سی اولاراق بو اصیل میفیمیزی اونوتماییب مدنی؛ کولتورل و بیلگی و خبر قایناغی کیمی اولوسومازا؛ یوردوموزا یارارلی اولاجاغینا دریندن اینانیب گؤنولدن بو یولدا چالیشاجاغیز.
دکتر توران
19 اوجاق 2022 اورمو