ائلیمیزین آب و هواسین نظرده آلاراق ،بو اویونلارین هر بیریسی بیر هدفی نن یارانیب… اوشاقلارین ایجتماعی یاشاماغین …هر ساحه‌ده ذهنی ایشه سالماق،… ائل اوبا و وطنی سئویب اونا دیه ر وئرمه ک… حیسلری گوجلندیرمک اوچون یارانیب….ایستیرم دئییم کی بو گون اویونلارین چوخو، فقط آتا بابالاریمیزین یادداشیندا- ذهنینده، قالیب…و تاسف کی اوشاقلاریمیزا منتقل اولمویوب ویاواش یاواش اونودولوب آرادان گئتمک‌ده دیر…
دوننکی اوشاق اویونلاری هامی میزین ذهنینه یازیلیب….و حتما ده کی بیلیرسیز ذهنیمیزه یازیلانلار، بو آسانلیقدا سیلینمزلر. قدیم اویون لارین دان نه قدر یازساق هم یئری وار و هم ده کی دئمک اولار سایی چوخدو…
آما چیرتی چیرتی اویونو :
چیرتی چیرتی… دئمک اولار لاپ قدیم و گوزل اویون لاردان بیری دی.
چیرتی _ چیرتی- ÇIRTI_ ÇIRTI
اوشاقلاردان بیری باشچی سئچیلیر. باشچی اورتادا دایانیر، قالان اوشاقلار ایسه دایروی دوزولورلر. باشچی الینده چوبوق اویونا باشلاییر.
اوّل _ اوّل ساغ طرفده اولان اوشاقلارا دئییرلر: چیرتی، چیرتی! ساغداکی اوشاقلار جاواب وئریرلر: جان چیرتی! سولداکی اوشاقلار دئییرلر: بیزیم چیرتی سیزین چیرتییا یالان دئدی. ساغداکی اوشاقلار دئییرلر: کیمه یاراشیر؟ سولداکی اوشاقلار دئییرلر: هر کس آیاغینی چپ قویسا، اونا یاراشیر. بوتون گروه ده اولان اوشاقلار سولدان ساغا بیر _ بیر آیاقلارینی قاباغا ساری چیخاریرلار . باشچییا چاتانا قدر گئدیرلر قاباغا . باشچی یئنه اوّلکی سؤزلری تکرار ائدیر؛ سول آیاغینی ساغ آیاغینین بارماقلاری مقابلینده قویوب، ایکی دفه فیرلانیر.اوشاقلار اوّلکی قایدادا دالی یا چکیلیرلر. باشچی ساغ الینی آیاغینین چئچله بارماغی‌نین اوستونه قویور. هامی باشچی کیمی ائدیر، باش بارماقلارینین اوجو ایله باشچی‌نین یانینا گلیرلر. باشچی الینی باش بارماغینی بورنونون اوجونا قویوب دئییر: چیرتی، چیرتی! اوشاقلار اونا جاواب وئریرلر: جان چیرتی! اوشاقلار یئنه دالی یا چکیلیرلر. بو دفه باشچی سول الینین باش بارماغینی قولاغینا وئریر. اوشاقلار دا اونون کیمی ائدیب باشچییا یاخینلاشیرلار. باشچی دئییر: چیرتی، چیرتی! ساغ طرفده کی اوشاقلار جاواب وئریرلر: جان چیرتی! باشچی دئییر: بیزیم چیرتی سیزین چیرتییا یالان دئدی. ساغداکی اوشاقلار دئییرلر: کیمه یاراشیر؟ باشچی دئییر: هر کس تئز قاچماسا، اونا یاراشیر. هامی نیشان قویولموش یئره قاچیر.
کیم دالی قالسا اونا دئییرلر: توسباغا تیس، بوینونو قیس! اویون آخیرا چاتینا قدر هئچ کسین ایختییاری یوخدور اؤزو ایسته‌دییی کیمی حرکت ائتسین. قایدانی پوزانلار اویوندان چیخاریلیر. هامی باشچی‌نین امری ایله حرکت ائدیر، نیظام _ اینتیظاما تابع اولور…
یازار : اکبر سعادت
رئیس اورژانس آذربایجان غربی، از افزایش قابل توجه تماسهای اورژانسی و مصدومان حوادث ترافیکی در تعطیلات نوروزی خبر داد.
رئیس کل دادگستری آذربایجان غربی از صدور حکم قطعی پرونده قاچاق سازمان‌یافته MDF در گمرک بازرگان خبر داد.
نماینده سابق ارومیه در مجلس دهم، در گفت‌وگویی با خبرنگار رسانه قارتال نیوز به تحلیل وضعیت سیاسی و اقتصادی آذربایجان غربی پرداخت. وی با رد قاطع ادعاهای مطرح شده درباره وجود جریان‌های جدایی‌طلب در این استان، این ادعاها را "ساختگی و ناشی از بازی سیاسی برخی جناح‌ها" توصیف کرد.
پلیس راه آذربایجان غربی هشدار داد: بازگشت ایمن از سفر نیازمند رعایت اصول ترافیکی و مدیریت زمان است.
ارسال دیدگاه
قوانین ارسال دیدگاه