قدیم نن آذربایجان ایرانین باشی دیر
قارتال نیوز: ۱-ائله قدیم نن آذربایجان ایرانین باشی دیر…باشی، گوزو،اوره یی، دیره یی نه ایسه عزیز ایرانین بیر پاراچاسی دیر بونا سوز یوخ، آیری بیر سوزله دئسه ک آذربایجان بالا و ایران آنادیر و البته هر بیر آنا بالاسی نین بوی آتماسی دیل آچماسینی ایستر.یقین کی آنامیز ایران داقارتال نیوز دیل آچماغیمیزی گوزله ییر…
۲-مکتب ایل لری تاریخ جغرافیا درس لرینده پیس دئییل دیم. ۲۰ ایل دیر کی آرالیق سیز، قازئت مازئت اوخویورام.رادیو اخبار دینله ییرم.آما جانییزا آند اولسون، سیزین کی منه یالانیز یوخدور، بئنین آددا مملکت آدی قولاغیما دئیمه میشدی.الله شوکر کی سئوگیلی رئیس جمهوروموز آفریقایا سفره چیخدی من ده بیلدیم کی بو آددا بیر اولکه وار و من قافیل ایمیشم.نه اولار اینسان اولونجه اویره نمه یه محتاج دیر.یئری گلمیشکن خواهش ائلییرم کی اورانین کشفی بیزیم آدیمیزا ثبت اولسون.انشالا بوندان بئله یه اوردان بیزه بول بول برکت یاغار…!!
۳- اوچونجوسو ده وار آما بیلیرم کی یازسام چاپ اولماز، من ده آغیر اوتور باتمان گل دئیه اوزومو یونگول ائله مه ییب و یازمیرام.سیزده چوخ اوز وورمایین کی سوزونوز یئره دوشه ر و خجالت اولارام.
ارسال دیدگاه
مجموع دیدگاهها : ۰در انتظار بررسی : ۰انتشار یافته : ۰