قارتال نیوز / قیسا ناغیل:( گولمه جه)ائشک له یولداشلیق!!!!
بیر کند ده بیر کیشی وارمیش بونون بیر دوه بیر ائشکی وارمیش . بیر ایل یاییین ایستی چاغیندا اوْ بونلاری چوخ ایشله دیب یوْروموش موش. بیر گون بونلار فورصت دن استفاده ائله ییب قاچیب کند دن ائشیکده کی اوْتلاقلارا دوشورلر. دورلو – دورلو گوْم گوْی اوْتلار، سرین سولار ایچینده یئییب ایچیب خوْش کئچیریرلر . آجیندان یوْرقونلوقوندان سومویو بللنمیش ائشکین بالا- بالا دریسینین آلتینا ات سو گلیر ائله جه دوه ده اوسار سیز سروان سیز اؤز خوْشلادیگی کیمی گون کئچیریر .
خ: بیر گون ائشک یئییب ایچیب /دوه یه دئییر دوه قارداش منیم اوخوماقیم گلیر قولاق آس گؤر نئجه اوْخورام. دوه ایسه او اطراف دا آدام قوْخوسو دویوب ائشکه دئییر یوْخ ائشک قارداش ایندی اوْخوماق چاغی دئییل اولابیلر کی بیری بیزی تاپیب یئنیدن او سارسیدیجی گونلریمیزه قایتارا . ائشک بیر آز دایانیر آنجاق یئنیدن دئییر : یوْخ دوه قارداش من اوْخوماقیمی ساخلایانمیرام دوه نه قدیر یالوارسادا سؤزلری ائشکین قولاغینا کئچمیر کی کئچمیر …آغزین گؤیه توتوب اوجادان اوخور.
بونلارین یئیه لری نئچه گون بونلاری آختاریب یوْرولموشدو ائوه قایتماق ایستیردی کی ائشکین سسین ائشیتدی.یاخیندا کی چوْبانلاردان کؤمک لیق آلیب بونلاری توتوب نوْخدالاییب اوسارلاییر . او کی اولده اورگی بوْشالینجا بونلاری تاپدالادی سوْنرا ایسه ائشکی مینیب دالینجا دوه نین اوْساریندان توتوب یوْلا دوشدو خ: بو زامان گؤیده بولوت واریدی بولوتلار آرتیلیب بیرلشیب گؤی گورولدادی/ ایلدیریم چاخدی یاغیش سئل کیمی گؤیدن یئره توْکولدو . کندلی کیشی، بیر سیلدیریم داشین آلتیندا یاغیش آچینجا آرخالاندی سوْنرا یئنه یوْلا دوزولوب کنده ساری قایتدی . اوْنلار آخشاما یاخین کندین یانیندا کی چایا چاتدیلار .
آنجاق چایدان ائله زوْر سئل گلیر دی کی کیشی باخدی گؤردو دوه دن سورا هئچ نه اوْ سئلدن کئچه بیلمز اوْنون گوره دوه نی خیخلاییب اوْتوردوردو . ائشکی دوه نین یانی اوستونه چاتیب اؤزو ایسه بوخومونا مینیب دوه اوسارین الینه آلدی دوه آیاغا قالخیب چایین ایچینه گیردی .
آنجاق سئلین آراسیندا دایانیب ائشکه دئدی ائشک قارداش منیم بتر اوْیناماقیم توتوتور .ائشک باشلادی یالوارماقا: یوْلداش منه باخما منه اسگی چاغدان بری ائشک دئییب لر آدیم اوستومده دیر آنجاق سن ایسه نجیب حمیل یاخشی حئیوان سان سن … .
دوه دئدی یوْخ ائشک قارداش من اوْیناماقیمی ساخلایانمیرام گرک اوْینایام . دوه بونو دئییب یانین بیر اویانا بوردو بیر بویانا بوردو ائشکی اوستوندن سالدی . ائشک سئله دوشوب سئلیله گئتدی . دوه ایسه دئدی بیرده من اوْللام ائشک له دوْستلوق ائتمرم.
اکبرسعادت
تیم فوتبال تراکتور آذربایجان با برتری یک بر صفر مقابل چادرملو به صدر جدول لیگ برتر فوتبال ایران صعود کرد.
مدیرعامل سازمان آتشنشانی و خدمات ایمنی شهرداری قطور گفت: سه سرنشین خودرو پراید که معلم بودند در حادثه واژگونی خورو پراید در مسیر خوی - قطور جان باختند.
دبیر جشنواره سراسری رسانه کنگره ملی شهدای غواص با اشاره به نقش مهم رسانه در تبیین ارزشهای دفاع مقدس، گفت: هدف اصلی سومین دوره این جشنواره، تولید محتوای کیفی در بستر رسانه برای آشنایی بیشتر جامعه به خصوص نسل جوان با مظلومیت و از خود گذشتگی شهدای غواص در حفظ و حراست از امنیت ملی است.
انگیزه پرداختن به این مطلب، ویدیویی است که از وضعیت اسفبار ویرانهای به نام مدرسه روستای هدرسلماس به دست قارتال نیوز رسیدهاست.
ارسال دیدگاه
قوانین ارسال دیدگاه