شفاهی ادبیات دا اوز حماسی روحلو غزللری نن و لیریک قوشمالاری نان تانینان: قاراداغ شاعری: اوستاد عباس بارز ۱۲۹۸نجی شمسی ایلینده قاراداغ ماحالی‌نین “آی پیرزان” کندینده دونیایا گوز آچمیش و جوان یاشلاریندان ادبیاتا/ خصوصیله فارس و اوز دیلینده شعر یازماغا باشلامیشدی.
بویا باشا یئتندن سونرا /آتاسی شیخ الاسلام میرزه جعفرین مکتبینده، دینی، حوزه وی و میللی مکتبلرین باشا ووردو.آما/ نئجه شئعره آلیشدیغینی اوزو بئله دئییر: «منیم شاعیر اولماغیما بیر جان یاندیران داستان سببدی.
جوانلیق زامانی ایدی، تبریزده بیر قیزی سئویردیم و من اونا بیر اورک وئررکن، او منه، مین اورک وئردی، محبت هر ایکی طرفدن گوجلویدیر.
شاعر دئییر کی: “من اونونلا ائولنمک ایستهییردیم آمما منیم آتا آنام بو ایشه راضی اولمادیلار، بئله سی بیر یانار اورکله بئش ایلدن آرتیق، عومرومون گنج چاغلارین گئچیردیم. او یادلاردا قالان ایللرده من بئله بیر گوجلو عشقیلن شاعیر اولدوم.”
استاد ۱۳۴۰ نجی ایلده معلم چیلیقه باشلاییر و اوتوز ایلدن سونرا بو ایشده تقاعدلیک مقامینا چاتیر.
” گلهای رنگارنگ” ایلک کیتابینین آدی دی. ائل دایاغینا سلام(۱۳۴۶){بو کیتاب بارز اوزو دئمیشکن ۱۳۳۳-جو گونش ایلینده یازیلمیشدیر و حیدربابایا یازیلان ایلک نظیره دیر”
۱۰جیلدیلیک ساتیریک( طنز) شئعرلری(مؤسسه مطبوعاتی یزدانی تبریز)، قیزیل قوش(۱۳۵۷) و ۱۳۷۹-جو ایلده یاسلی ساوالان بارزین یاییلمیش کیتابلاریدی.
آی عاشیقلار یاسا گلین، چوبان قارداش، ساریداش، بایاتیلار، ساری و سوسن داستانی کیمی کیتابلار بارزین هله یاییلمامیش کیتابلارینین آدیدی.
آما ائل دایاغینا سلام مجموعه سیندن بیر نئچه بند شعر :
ائل دایاغی قیزیل گوللر سولاندا
گوی باغچالار غم صحنه سی اولاندا
خمار گوزلر بولود کیمی دولاندا
منیم قلبیم درد اهلینه چوخ یانار
آییق اوره ک غم دویغوسون تئز قانار
*
ائل دایاغی جوشغون چایلار جوشایدی
دریا کیمی دالغالانیب داشایدی
او دالغالار گلیب باشدان آشایدی
گوللنردی چمنلرین هر یانی
باهار گلیب گولدورردی دنیانی
رحمتلیق بارز بیزدن آیریلسادا اونون اثرلری بیزه اورک وئریب و اونون غزللری و “ائل داغینا سلام” کیمی منظومه لری قالارغی یادگار دی.
اوستاد بارزین هله‌ده چاپ اولمامیش بیر چوخ اثرلری قالیر. اونلارین بیر سیراسی کتاب شکلینده حاضرلانیب و چاپا اماده دی.او جمله‌دن: “آی عاشیقلار یاسا گلین”، “چوبان قارداش”، “ساری داش”، “بایاتی لار”، “ساری و سوسن داستانی”
سئویملی ائل شاعیری و ائلیمیزین پارلاق اولدوزلاریندان اولان ، اوستاد عباس اسلامی ( بارز ) ، ( ۱۳۹۰ هـ ش)، چرشنبه آخشامی ، آبان آیی نین ییرمی دوردونده کی او گون غدیر بایرامی ایله مصادف ایدیر، اهر شهرستانیندا، اوز ائوینده دونیادان گوز یومدو.
ائل دایاغی سنه سلام گوندریر
اونون سلامی نی آل” حیدربابا”
خشکناب ائلینین قوجامان داغی
همیشه دنیادا قال “حیدربابا”
یازار : اکبر سعادت
شاعر آذربایجانی درباره حضورش در عرصه شعر، گفت: در شروع به عرصه شعر و شاعری مسیر سخت و مشکلاتی را داشتم.
معاون صنایع‌دستی ادارهکل میراثفرهنگی، گردشگری و صنایع‌دستی آذربایجان غربی از آغاز برگزاری دوره‌های آموزش صنایع‌دستی در زندان‌های استان خبر داد.
مدیر کل امور مالیاتی آذربایجان غربی گفت: به مناسبت گرامیداشت هفته دولت، اختیار بخشودگی جرایم قابل بخشش مالیاتی به شرط پرداخت بدهی مالیاتی مؤدیان تا تاریخ ۱۴۰۳/۰۶/۲۵ به استان‌ها تفویض شده است.
مدیرکل تعزیرات حکومتی آذربایجان غربی از تشدید نظارت بر بازار فروش ملزومات تحصیلی از دهم شهریور تا پانزدهم مهرماه خبر داد.
ارسال دیدگاه
قوانین ارسال دیدگاه