قارتال نیوز_اورمیه/ ایراندا مخصوصا آذربایجاندا نوحه ادبیاتی نین گئنیش و یوخاری بیر یئری واریر. کربلا واقعه سینده/ سورا شیعه اؤلکه لر آراسیندا، مخصوصا آذربایجاندا بو ادبیات گسترش تاپیپ، قدرتلی شاعیرلر بئجریب کی حکیم محمد فضولی ده ن گئچه ن برنامه لریمیزده آد آپاردیق.
تاریخ بویو عصمت و طهارت خاندانینا عشق و علاقه گؤستره ن، عشق و ایثار و حماسه روحلو آذربایجانلیلار آراسیندا بئله- بئله شاعیرلر دوغولوب گینه ده دوغولاجاقدیر، تأسسوفله زامان اؤتدوکجه بو بؤیوک اینسانلارین آدین- یادین و خاطیره سین شعرلریله برابر تاریخین بیر گوشه سینده توز- تورپراق اؤرتوب، یادلاردان چیخیب لار کی بو توزلاری سیلیب اونلاری گؤز قاباغیناچیخارتماق بیزلره بیر بورج کیمیدیر.
خاطیرلاداق که نوحه ادبیاتینین تمل داشینی قویان آذربایجاندا/ مرحوم حکیم محمد فضولی دیر کی سونرالار سلطان حسین صفوی دؤورونده یاشایان” فتّاح مراغه ای” آدلی شاعیرایله داوام تاپیپ کی فارس شعرینده “اشراق” و تورکی شعرده “فتاح” تخلصی ایله شعرلر یازیبدیر.
نوحه لریمیزده ” میرزا علی اکبر صابر” “خورشید بانو ناتوان” و “حئیران خانیم”
هوپ هوپ نامه نین شاعیری رحمتلیک میرزا علی اکبر صابر بیر گئجه بئله قرارا گلیرکی طنزده ن غزلده ن اوزاقلاشیب نوحه یازسین کی یازیر. اونون یاخشی «راه شام»لاری واردیرکی «مشاهیر سخن» ده اونلاردان نمونه لر چوخدو و مرثیه لرده همیشه ائشیدیریق.
خورشید بانو ناتوانین، جاوان اوغلو میرعباس اؤلنده ن سونرا مرثیه شعرینه اوز چئویریب دیر. یا حتی حئیران خانیم دنبلی بیر عؤمور غزل یازاندان سونرا نوحه یه اوز گتیریب. آمما بیر سیرا شاعیرلرده واردیرلارکی ائله اوّلده ن مرثیه یازیبلار مثلا راجی و صراف.
حئیران خانیم دئییر:
علی، سپهر وجاهتده ماه تابانسان
نه تئز غروب ائله دین، کوکب درخشان سان
یقین حیاتیما یوخدور اومید اؤللم من
نه چون کی جسمیم ایچینده مثابه جانسان
مگر سموم اسیب گلشن حیاتیندا
نه دیر تئز سارالیب گول کیمی پریشانسان
باخیب او زؤلف پریشانیوا پریشانم
بو سرو قامت ایلن قان ایچینده غلطانسان
یازار: اکبرسعادت
چهار بازیکن جوان به تراکتور اضافه شدند که شناخته شدهترین آنها عرفان نجاری، دروازهبان ذخیره فصل گذشته پرسپولیس است.
پس از انتشار خبر دستگیری پاول دروف مالک تلگرام، تصویری از یک دختر که در سفر به فرانسه همراهش بوده، دستبهدست میچرخد.
مصاحبه اخیر مسعود پزشکیان با واکنش‌های بسیاری همراه شده و برخی رئیس جمهور را به این متهم می‌کنند که به تجزیه‌طلبان فرصت می‌دهد. قطعا این نگاه مورد تایید حامیان دولت نیست و از مصاحبه پزشکیان دفاع می‌کنند.
وسایل شخصی و دست نوشتههای شهید سردار مهدی باکری در مراسمی از سوی خانم صفیه مدرس، همسر شهید مهدی باکری به موزه دفاع مقدس آذربایجان شرقی در تبریز اهدا شد.
ارسال دیدگاه
قوانین ارسال دیدگاه