قارتال نیوز/ گوزویون آچیرسان، یومورسان، گوزونه دوندویوم گون سوووشور. گون باتیب، گئجه اولدوقدا، یاتماقدان بیر ایکی ساعات قاباق، سس_سیزلیک یاییلدیقدا، گلن گونلرده گؤره بیلن ایشلره فیکیرلشیرسن. دونیانین هیزلا فیرلاندیغینی یادیوا سالدیقدا اوزووه سوز وئریرسن، بیر عومور بئینین_ده یاشاتدیق_لاریین یئرینه یئتیره_سن. او گئجه اوزووه سوز وئردیـیین اوچون، دینجلیک_له باشیوی قویورسان یئره یاتیرسان. بیلیرسن کی اوزووو آللاتمیرسان. یوخودان دوردوقدا دا گئجه سوز وئردیـییندن دیک-دیک آددیم آتیرسان. آز قالا اوچورسان. قاینالتی نی یئییب یئمه_دیکده اوزووو گوندلیک_لرینه مشغول ائلیـییرسن. بیر آن اوزووه گلیرسن، گورورسن اوتوروبسان گئجه سونو یئنه گوردویون و گوره بیله_جه_یین ایشلره فیکیرلشیرسن. اوزووو دانلییا بیلمیرسن. سن گوره بیله_جه_یین قدر گوروبسن. تکجه نئچه ایللر بئینین_ده_کیلری دوغرولدا بیلمیرسن. او دا سندن آسیلی دئییل. گونلریمیزدن آسیلی دیر.
یای، یاز بیتمک‌له باشلاییب، گون-گونه قیزیب چیلله‌سینه چاتار. یایین چیلله‌سی قویروق دوغماق‌لا باشا یئتریب اوزو آشاغی فیرلانار. هاوانین ایستی‌لی‌گی آلینار. اونا گوره ده هر ایل قویروق دوغمامیشا قالان چیممک ایسته‌ین‌لره سولار سویوماسین دئیه چیممه‌یه گئدرلر. قویروق دوغاندان سونرا هاوا سرینله‌دیکده سویا گیرمک‌له سویوغون جانا اوتورماغی بیر اولار. بو ایل قویروغون دوغماسی‌نی گؤزلسک ده، قویروق دوغاندان سونرا، هاوا بیردن چوخ ایستی‌له‌دی. آغ یئل اسیب، جانلاردان تری آخیتدیردی. آخان ترلر ده گوزلره دولوب گوزلری قان چاناغینا دوندردیلر. دئیه‌سن تکجه بیزیم گوزوموز یوخ آذربایجانین گوزو ده قان آغلاماغا باشلادی. نئچه ایللردن قاباق ترله‌مه‌یه باشلانان اورمو گولونون آخان ترلری گوزلرینی ده قیزارتماغا باشلادی. گوزلرله بیرلیکده گوزه‌لر ده قان آغلادیلار. آد آلان آدالار دان دا آد قالمادی. قویون داغین‌دا قویونلارین قویروق‌لاری دوغمادی. ایچینی چکیب هونکور-هونکور آغلایان گول قان چاناغینا چئوریلدی. قان چاناغی اولان گولو کیم اوووتمالی‌دیر؟! کیم سو وئریب گوزلرینی توختات‌مالی دیر؟!
آذربایجاندا ائکو‌سیستمین پوزولماسی تَکَره دوشوب، تووا مینیب. هر کس گوزلرینین قیراغی‌لا باخیب، چوخ اوره‌یی یانان، ایچیندن بیر آه چکیب اوستوندن کئچیب.
آذربایجاندا هر ندن چوخ سولاری دوز قوللانان‌مادیلار. قویو قازماق راحاتلاشاندان، سو قویولاری قازیلدیلار. سو قویولار گئتدیکجه درین‌لشدیلر. سووارماق‌لار ایسه کئچمیشده‌کی‌لر کیمی قالدیلار. چوخ چیمن‌لر سوکولوب، اکین یئرلرینه دوندولر. چیمن‌لری ائله آذربایجانلی‌لی سوکدوروب، اکین اکدیردی. بئله بیر اولای‌لار آذربایجانین هر یئرینده اولدو. تورپاق‌لارین سویو چکیلدیکجه چایلارین قاباغینی آلیب، بندلره ووروب، آخان چایلارین سولاریندان قوللانماغی دوشوندولر. بندلر وورولدوقدا اکینچی‌لر داها سئویندیلر سو بولدور دئیه. یئر سوسوزونجا گویدن ده یاغیش یاغمادی، بیر ایل، ایکی ایل، ایللر کئچدی. هئچ کس اورمو گولونو گورموردو. بیردن بیره اورمو گولو اولومونه اوزه چکدی. هر کس گولون اولومونه ایناندی. هئچ کس بیر ایش گورمدی، گورمک ده ایسته‌مه‌دی. دریندن بیر آه چکیب گئتدیلر. چوخ اوره‌کلری یانان نئچه اوتوروم قویدولار بیر ایش گورمه‌لی‌ییک، آمما نه ایش گورمه‌لی‌ییگی هئچ کیم آغیزا گتیرمه‌دی. هر کس اوجا سس‌له دئییر آی بالا اورمو گولو اولور ها! دئمه‌یین دئمه‌دی؟! اورمو گولو اولومونو، اوزو چیغیریب هر کسه. ایسته‌دیـیی اولومدن قورتولماق‌دیر. کیم بیلیر گولون جانلانماغینا نئینه‌مه‌لی‌ییک؟!آغلایاجاقسیز آغلایین. بیری اوزون وئریب قاباغا، هر کسه آغلاماق اوچون سنگر یارانیب. چوخدان ایدی باهانا دالیسیجا گزیردیز آغلایاسیز، یانی ائل قاباغیندا آغلایاسیز، دئمک سونوندا تاپدیز. دئییرم آمما بیر آز گوزله‌یین آغلاماغا باشلادیقدا، یوزایللرین یاشین توکه بیلرسیز. قورخورام گوزلریزده یاش قالماسین. یوز ایللیک احتیضاردا اولانا آغلاماق ایسته‌ین‌لر آغلایانمازلار، آخی هله اولمویوب. بلکه اولمه‌دی نه‌یه آغلاماق. یوز ایل ائحیتضاردا اولانین قاراگیله‌سی اولور دئیه‌سن. قارا گیله، جانی، قانی، دوزلو اوغلانی، آراندا قیزی، قیزارانی هر نه واری اولور. دیره‌یی اولان دیره‌یی ارکی، اوره‌یی یوز ایللردی نفس آلانمیر دیلی، دیله‌یه‌نی.
دئمه‌یین گوزلریزه دوز دولوب، آجیشدیریر، یاندیریر، سولاندیریر. گوزلرینیزده یوز ایللرله گوللنمیش سولار، بو گون بیر سینه گرمیش آختاریر دئمک. نه دوزلا دولدوم، نه قوملا هر کس دئمک دولدورماق ایسته‌ییر هن!. دولدورون نئینه‌مک.
بو کی اورمو گولو نی‌یه بو گونه قالیب. هر کس بیلر. سیزجه بیلمیر؟ هر کسدن سوروشدوقدا ندن‌لری بیر-بیر آنلاتسین. هر کس دئییر دئییرلر، کورپودن، سدلردن، قوراق‌لیق‌دان، گوزه‌لرین دولماغیندان و بیر بوللو بوناتای ندن‌لردن دیرلر. بو آرادا آراشدیران‌لار دا اولوب. نه آراشدیریب‌لار من بیلمیرم. آنجاق دئییرلر آراشدیریب‌لار. اوزآرامیزدی گولون یان-یووره شهرلرینده اولان‌لار نئجه ایلگی‌لنیرلر بیلمیرم. دانیشیرلار، دانیشماغینی آنجاق نه قدر جیددی اولماغینی منیمسه‌یه بیله‌لر بللی دئییل.بلکه ایندی‌لیک‌ده اونلار اوچون سورون‌لار باشلانمایا، گله‌جک‌ده نئجه اولماغینی باشا دوشمک اولار. اورمو گولونه بو گون آغلاماق گرک‌لی دیر ده، آنجاق بو آغلاماغیمیزی ساخلایاق گولو قویلایاندان سونرایا. هر زامان اونا یاس ساخلاییب، آغلایا بیلریک. ایندی‌لیک داوا-درمانا فیکیرلشمه‌لی‌ییک.
گورک بیزیم الیمیزدن آغلاماق‌دان سئوای نه گلیرکی ائله‌میریک؟! گوره‌سن بو گوله چاره وارمی؟! آرازدان پای آلاق، یوخسا اوز چای‌لارینی قایتاراق. بلکه ده گوله بیر اورتو اورتک، سویو بوندان آرتیق بوخارلانماسین. دئییرسیز دوزونو آزالداق، شورلوغو آزالسین، تئز قوروماسین.
اوراسی بیزیم اوچون مین ایللیک تاریخ و کولتور دور. اوراسی بیزیم اسکی تاریخیمیزین سمبولودور.اوراسی بیزیم یازیچیلاریمیزین، شاییرلریمیزین، ادبییارچیلاریمیزین ایلهام قایناغیدیر.اورمو گولو اونوتولان بیر مسئله دئیر، بیز اوشاغلیق دان گوزوموزو آچیب اورمو گولون سولو گورموشیک، ایندیسه بو آندا بو دوزلو گوله گرک یاردیم اولاق. اوشاغ اولار کن یایین ایستی گونلرینده اورمو گولو قوجاغین بیزه ساری آچیب و بیزی باغرینا باسیردی، هئچ یادیم دان گئتمز او گون لریمیز. بو آندا هر بیریمیزه وظیفه دی بیلییی نه قدر و باجاردیغینا قدر بو دوزلو گولون حاققیندا چالیشا. مینت اولماسین چونکی اوز حاققیمیزدا وطن حاققیندا و آنا حاققیندا چالیشیروخ
آذربایجانین ایشچیلری، اکینچیلری، یاشام چئوره فعاللاری، کارخانا ساهیبلاری، صنعت ایشینده مشغول اولانلاری، مال، حئیوان ساهیبلاری، اونیوئرسیته اوستادلاری مال، حئیوان ساهیبلاری، اونیوئرسیته اوستادلاری، اویرنجیلر، رادیو، تئلئویسیون، اینجه سننتچیلریمیز، جاوان و یاشلیلاریمیز،یایین و مطبوعاتلاریمیز:بیز هامینیز اورمو گولونون قورتارماق اوچون مسئولییت داشاییریق.بیز، گله‌جک نسیللرین قارشیسیندا جاواب وئرمه مسئولییتینی داشاییریک.
اکبرسعادت
رییس مرکز اطلاع رسانی پلیس راهور آذربایجان غربی گفت: در تصادفاتی که خسارت تا چهل میلیون تومان است نیازی نیست رانندگان منتظر حضور پلیس باشند.
مدیر عامل شرکت آب و فاضلاب شهرستان خوی گفت: استفاده کنندگان غیرمجاز از آب شرب در سطح شهرها و روستاهای شهرستان در صورت عدم مراجعه برای رسمی کردن انشعاب آب و خرید اشتراک، مشمول پرداخت جریمه می‌شوند.
مسئول گروه رسانه قارتال طی نامه ای ضمن حمایت از نامزدی دکتر پاک آیین، بصورت رسمی انصراف خود را از نامزدی بیستمین دوره انتخابات نماینده مدیران مسئول در هیات نظارت بر مطبوعات اعلام کرد.
هجدهمین نمایشگاه بینالمللی تخصصی طلا، جواهر، نقره، گوهرسنگ و صنایع وابسته از ۲۳ آبان در تبریز برگزار میشود.
ارسال دیدگاه
قوانین ارسال دیدگاه