قارتال نیوز/ بولود قاراچورلو ۱۳۰۵ ده مراغا شهرینده آنادان اولدو. دوغوم گونونده یاغیشین یاغماسی سبب اولدو آتاسی اونون آدینی « بولود » قویولدی.شعرلرینده انسانلیق و بیرلیک دالغالانیر، شعرلرینده وطن عشقی، ، سئوگی و … ترنم ائدیر. اینامی و اوز وطنینه اولان عشقی همیشه دشمنلری مایوس ائدیردی. سهند ۱۳۴۶ نجی ایلین بهمن آییندا شهریاری گورمه ک اوچون تهرانا گئدیر آمما شهریار کی بو ایللر دونیادان ال اوزوب و اوز ائویندن ائشیکه چیخماییردی سهندی گورمک ایسته میردی.
بی ریا، کونلوم اوْلوب عاشق رخسار وطن
باشیما دوشدو یئنه نئشه ی گلزار وطن
هر اوره ک دونیادا بیر غممه گرفتار اوْلدو
وارمی بیر قلبی موباره ک اوْلا غمخوار وطن
آمما شهریاری گورمک شوقی سهندی مجبور ائدیر اوز آنا دیلینده بیر شعر یازیب شهریارا گوندرسین، و بو مکتوب « سهندیه» اثری نین یارانماسینا سبب اولور. بو آزادلیغا حسرت قالان دویغولو و دویوشجه لی شاعیر ۱۳۵۸ نجی ایلین فروردین آیی نین ییرمی بئشینده دونیادان گئدیر و اونون وطن عشقینه دویونن اوره گی دویونمه کدن دایانیر و بوتون حق سئون انسانلاری ماتمه بورویور. اونون روحو شاد و یولو داواملی اولسون.
بولودون اونون امام خمینی ره یازدیغی شعر همیشه تاریخ لرده قالارگی اولوب و وطن عشقین اوره یینده همیشه جاودانه بسله دی:
سن ائلین قرنلر آغزیندا قالان حق سؤزوسن سن قارانلیقلار آرا حقی گؤرن حق گؤزوسن
حق قولو, حق الی, حق جارچیسی حقین اؤزوسن حق گوجوایله وروشانمازدی بو ایرنج نظام
ای یازیق کوتله لرین رهبری ای شانلی امام ای علی نین خلف اوغلو سنه مین لرله سلام
سن شهامتده علی خاطیره سین دیرچلتدین داغ تکین سینه گلیب حق علمین یوکسلتدین
ظولم داغ اولسادا دارتیب تملین تیتره تدین جور و عدوانلا تیکلمیشدی گتیرمزدی دوام
ای یازیق کوتله لرین رهبری ای شانلی امام
ای علی نین خلف اوغلو سنه مین لرله سلام
حقیقتین آیناسی اولان بوشعر/ بو سوزلر،شاعرین سونمز وطن پرورلیک علاقه سی نین ، جانلی و دیرلی نمونه سی دی…بیز بولود دا بوش خیال لار یا ساده بدیعی لر گوروموروق…بلکه ائل اوبامیزین تاریخ بویو پارلامیش پارلاق سیماسینی گوروروق…اونون روح جوشدوران وطن سئورلیک شعرلری ایل لر بویو تاریخ لرده قالاجاق…
***
عاشیقلارین ساز و سوزونده بولودون شعرلری
عاشیقلاردا اولان انسانا محبت/ خلقه باغلیلیق/حیاتی سئومک/ ظولمه و حقسیزلیگه قارشی دورماق/شاعرین اثرلرینده چوخ گوزل یئری وار.
ائلیمیزین عاشیقلاری هر زامان استادنامه دئیینده، اونون اثرلری نین اولینده یازیلان اجتماعی- فلسفی سوزلره رجوع ائلیرلر و مخصوصا کی عاشقانه – رومانتیک داستانلاردا اولان استاد نامه لرین چوخونو/ عاشیقلاریمیز/ بولود دان آلیب لار…
کونول محبتدن دانیشان آندا
عاغیل قوپوزونون سیمی قاریشیر
عشق الی تئللره زخمه ووراندا
کیمی سی قیریلیر/ کیمی قاریشیر
انسانلیق یوکسلن ان اوجا یئرین
بیر آدی سئوگیدیر بیری محبت
هریانی آختاردیم من درین درین
آرایا بیلمه دیم باشقا حقیقت…
عاشیق سن ده بیزه ایستکدن دانیش
قوی محبت دوغسون صحبتین سوزون
کونولدن قلبدن اورکدن دانیش
قوی سارسیلان انسان تانیسین اوزون
مدیرکل تعزیرات حکومتی آذربایجان غربی بیان کرد: قاچاقچی روغن نباتی در بوکان به ضبط کالای قاچاق و جزای نقدی محکوم شد.
فرمانده یگان حفاظت ادارهکل میراثفرهنگی، گردشگری و صنایعدستی آذربایجان غربی از دستگیری باند حفاران غیرمجاز در ارومیه خبر داد.
مدیرکل تعزیرات حکومتی آذربایجا غربی از رسیدگی به پرونده قاچاق چهار قطعه شمش نقره یک کیلویی در شهرستان ارومیه، خبر داد.
روزنامه فرهیختگان نوشت: بررسیها نشان میدهد که فردی که اقدام به برهنگی کرده، دارای اختلالات روانی بوده و این حادثه ریشه در مشکلات شخصی او داشته است.
ارسال دیدگاه
قوانین ارسال دیدگاه