قارتال نیوز/ هله ده ائلیمیزده، چوخلاری قیش زامانی کورسونو، بخاری یا ترجیح وئریب و کورسو قورارلار…دئمک کی هله ده کورسو مد دان دوشمویوب.
کورسو، تاختادان قایریلمیش دورد گوشه لی، میزه بنزه ر بیر وسیله دی.پاییز زامانی، “کومور” و “خکه” آلماق زامانی دی.کومورو اول ده اله ییب و نارینی نی( خکه سینی) آییرارلار.خکه نی سویا توکوب یویارلار. اووج اووج خکه نی سودان چیخاردیب و گون قاباغیندا قورودارلار.سورا او سودا قالان لاپ نارین خکه لری، و قارا تورپاق لاری اله ییب وتوپ کیمی گیرده لرلر… بو توپ لارا “یومرو” دئییرلر.یومرولاری آلتدان، اونون اوستوندن خکه باسارلار…سورا کومورو قیزاردیب کول ائلرلر و توکرلر خکه نین اوستونه… خکه یاواش یاواش اود توتوب و کوزه دونه ر.
کورسونون اوستونه بیر قالین یورقان چکرلر ،کی کورسو یورقانی دئییرلر. بو یورقانین اوستوندن ده بیرآیری یورقان چکرلر و بولارین دا اوستونه خالچا یا جئجیم سالارلار…
رحمتلیق حبیب ساهردن بیر شعر وار کی دئییر:
قیش زامانی بیر کورسویه گیرردیک
کورسو اوسته جویز کیشمیش یئیردیک
آتا بابا ناغیل لارین دئییردیک
خوش دینله ردیک بویوکلرین سوزونو
آییراردیق ایریسی نی دوزونو
حقیقتا کی کورسو و کورسو باشی، بیزیم فولکلوروموزدا اؤزونه مخصوص بیر یئری واردیر. بیر یئره ییغیشماقلار، اویونلار، دانیشیق لار و…. هر زامان قالارگی اولوب لار و هله هله دی که، قیش گئجه لرین سئویملی یولداش لاری دیلار.
کئچمیشلرده، مراسم لرده/ شنلیکلرده و گئجه اوتورمالاریندا، ائل- اوبامیز، بیر یئره ییغیشیب، بیرلیکده، بایاتی لار، ناغیل لار، تاپماجالار … دئییب، زامان کئچیرَرمیشلر. قدیم ، ایندیکینه تای، رادیو- تلویزیون، ، اینترنت دن، … خبر یوخویدو. آخشام اولدوقدا، قهوه خانالاردان عاشیق لارین سازلارینین سسی، گؤزل داستان لاری نان بیرگه خاطیره لی چاغلار یاراداردیلار. ائولرده اوشاقلی- بؤیوکلو صمیمیت له، بیر- بیرلری ایله دانیشیب، یاشاییش لاریندان لذت آپاراردیلار.
کورسو بیر شاعیرانه قیزیشما ماشینیدی!!!کورسو باشیندا/ شیرین شیرین صوحبتلر و خیال انگیز ناغیل لار بیان اولونوردو.
اصلاکورسو اوستونده شام ناهار یئمک/ ساماوار قورماغین آیری بیر دادی وار… کورسو دم وئرنده/ اینسانا ایلهام گلردی….!!زامانی دالی قایتارا بیلمه سک ده، اؤز فرهنگیمیزی/ دب لریمیزی ساخلاماغا و گله جک نسیل لره تاپشیرماغی هر زامان ائلییه بیله ریق. یاددان چیخارتمایاق کی /کورسو باشی لارینی، ایندی ده یاراتماق اولار، ائولره شنلیک، صفا و صمیمیتی ایندی ده، قاتا بیله ریق. اؤز فرهنگیمیزه، دب لریمیزی، عادت- عنعنه لریمیزی ایندیده یاشادا بیله ریق.
جانشین فرمانده انتظامی استان آذربایجان غربی از دستگیری عوامل قتل معلم بوکانی ظرف یک هفته در یکی از استان های همجوار خبر داد.
سرمربی تیم فوتبال تراکتور گفت: امسال نمایشهای درخشانی از تراکتور دیدهام و میخواهیم به این روند ادامه دهیم.
رئیس اورژانس آذربایجان غربی، از افزایش قابل توجه تماسهای اورژانسی و مصدومان حوادث ترافیکی در تعطیلات نوروزی خبر داد.
استاندار آذربایجانغربی گفت: تنها راه برون رفت از مشکلات فعلی کشور عمل به شعار سال رهبر انقلاب و سرمایهگذاری با هدف رونق تولید است.
ارسال دیدگاه
قوانین ارسال دیدگاه