بایاتیلار، تاریخین درینلیگیندن آخیب گلن قیسسا ترانه لردیر. بلکه ده تکجه بیر آن، بیر لحظه نین دویغوسونو بیان ائتمک اوچون اوخونور. آنجاق همان بیر آن، بیر عومور و بیر یاشاملا برابردیر.
غربت بایاتیلاری، آیریلیق نغمه لری، بالالارا اوخشاما، آتا – آنانی الدن وئره ن چاغدا اوخونان آغیلار، مختلف چاغلاردا اوره کلرین آهی و کونوللرین صداسی دیر. بایاتی اوشاغین اولان گونوندن، یئریمک باشلایاندا، اونون لایلاسیندا، اوخشاماسیندا اوخونور و گلیر تا انسانین بؤیومه سی، آیاق آچماسی، زحمت چاغلاری، توی – دویون گونلری، هابئله اولوم گونونه قده ر ده اوخونور. بیزیم بوتون عومروموزده ائتکیلی بیر نغمه دیر بایاتی. بونلار تاریخین ان اوجقار قارانلیقلاریندان گلیب بیزه چاتیبدیر. اوسطوره چاغلاریندان ، اسکی ایناملاردان آخیب گلن دوشونجه و مراسیم نغمه لریدیر بایاتیلار. بایات دئدیکده تانری آدینی دئمکدیر. اینسان اوتن زامانلاردان ، اوز کئچیردیگی حایاتیندا چتینلیک لره غلبه ائتمک اوچون ، سایر جانلی لاردان دا یاردیم آلیب ، اونلاری اوز حایاتینا داخیل ائتمیش دیر . بو ذکالی موجود داغدا داشدا ، سفرینده ، اکین اوستونده ، ساواش میدانلاریندا و یاشاییشین تامام ساحه لرینده بو حئیوانلاردان باشاردیغی قده ر ایستیفاده ائتمیشدیر . دوه ، ایت ، آت ، اینک ، قویون و … او جانلی لاردان حساب اولور . آمما بونلارین ایچینده ، ایکی حئیوان بیری وفالی حئیوان تانینیب و بیری ده نجابت ده مشهور اولوب آتا بابا سوزلرینده گئنیش یئر آلیب و آد قازانیب لار :
– آت اولنده ایتین بایرامی دیر !
– ایت یاتار تایا کولگه سینده دئیه ر به کی اوز کولگه سی دیر !
– آتی آتین یانیندا باغلاسان هم رنگ اولماسادا هم خوی اولار !
– آت آلمامیش آخیرین چکدیریر !
– یوگره ک آت اوزونه قمچی ویردیرماز !
– کور آتین کوردا نال بندی اولار !
– آت اولسه یه هری قالار آدام اولسه آدی !
– میدانی بوش گوروب آت دولاندیرما !
– آت ساتان قاطیر آلا بیلمز !
– ایت اوتاریر !
– ایت کیمی یئددی جانی وار !
– ایت قورساغی یاغ گوتورمز !
– کور آتی مینیب کونده لن چاپماق !
بونلار هامیسی بیزیم ان قدیم زامانلاردا عومور سوروب یاشایان آتا بابالاریمیز دان بیزه یادیگار قالان سوزلر دیر . بو ده یرلی سوزلری زامانین آفت لری و حادیثه لرین ده ن قورویوب و سونکی نسیل لره یئتیرمک بیزه بویوک بیر تکلیف دیر !
من عاشیق سسه گللم
ناله یه سسه گللم
یاد ائلدن قاچا بیلسم
یوللارى کسه گللم
گولداندا گول اکیرم
گولدن گولاب چکیرم
دوشه سن عشق اودونا
گؤره سن نه چکیرم
بولبولم نوا بیللم
دردلییه م نوا بیللم
باشیمدا بیر سئودا وار
باشیمدان سووا بیلمم
سولار آخار دریندن
داغلار اوینار یئریندن
شاد گؤیلوم وئران اولدو
دونیانین دردغمیندن
گئتدى گولوم آغلارام
اولدو ظولوم آغلارام
اسدى وعده کوله یى
تؤکدى گولوم آغلارام
سونبوللرى باغلارام
اورکلرى داغلارام
گئجه گوندوز یولوندا
آه چکه رم٬ آغلارام
اکبر سعادت
همایش "ارومیه و آزادسازی خرمشهر" با حضور رزمندگان، روحانیون، چهرههای دانشگاهی و با استقبال کم نظیر مردم ارومیه در تالار وحدت این شهر برگزار شد.
استاندار آذربایجان‌غربی گفت: سرمایه‌گذاران می‌توانند بدون هیچ دغدغه‌ای با حضور در مرکز سرمایه‌گذاری استان، تمامی مراحل سرمایه‌گذاری خود را به راحتی انجام دهند.
مدیرکل حفاظت محیط زیست آذربایجان غربی از ادامه بررسی‌های تخصصی درباره گودال آب شکل‌گرفته در سواحل جنوبی دریاچه ارومیه خبر داد و منشأ احتمالی آن را نفوذ آب‌های زیرزمینی دانست.
مدیر تعاون روستایی آذربایجان غربی از شناسنامه‌دار شدن بیش از ۱۶ هزار هکتار از باغات استان به همت اتاق اصناف کشاورزی خبر داد و این اقدام را در راستای اجرای قانون برنامه هفتم توسعه کشور عنوان کرد.
ارسال دیدگاه
قوانین ارسال دیدگاه