گوزلریمه، دوز دولوب

نئچه ایلدیر بیر گون ده اولماییب کی اورمو گولو حاقیندا دوشونمه میش اولام. هر زمان ایکی دامجی یاغیش یاغیر گویه باخیب تانری درگاهینا شوکر ائدیرم. کی بلکه بو باشی بوش بولوتلارین بیزیم جانیمیز اورمو گولونه بیر فایداسی توخونسون.

من اورمو گولونون اولومونو اینانماق ایسته میرم. گاهدان یاغیش یاغیر گاهدا قار. گاهدا چن دوشور بو قوجا شهرین اوستونه . دومان آلیر اورمونون دورد بیر یانینی. ایچیمیزده کی دومانلار کیمی.

دایخیرام. آنجاق بو شهردن اوترو. منیم اوچون قالماق یا گئتمک مسئله دئییل. بو شهردن و بو اولکه دن گئتمه یه بئله فیکیرلشه بیلمیرم. سویو، توپراغی هاواسی یاخشیسی و پیسی پیسی.

بو توپراغدا دوغولموشام. بو توپراقدا اولمک ایسته ییرم. بو توپراقدا یاشاماقدا. آنجاق یقین کی سینیرلارین اوته سینده گونش باشقا جور ایشیق ساچیر. قونشولار باشقا جور انسانا یاناشیر. و انسانلار باشقا دیرلار.

اینانماق یا ایناننماماق دئییل منیم مسئله م. سورون بودور کی من بورایا عایدم. بو کوکوم بورادادیر. پاییز دا آرانلیق یئرلرده کوک سوز بوتالاری یئل نئجه اویانا بویانا آپاریر. من اویله سی اولماق ایسته میرم. من بیر سویود آغاجی تک زینه بیر چای قیراغیندا سس سیز سمیر سیز بیرچول ده کولگه سالماق ایسته ییرم.

قانادیم دا قوشلار اولسون. کولگه مدن سئون آشیق لار. بوداغیمی هئچ قیرماسین. آلفبا دئیه ن اویرتمن.

من بیر آغاج اولمالیام. من بیر آغاج اولمالیدیم. کوکوم بو توپراغا باغلی، دال بوداغیم آسماندا. گوی اوز سئیرانگاهیم.

دونن تبریز دن اورمویا گلن  ساری گوردویوم یولون بیر پاراسین بئله یازیرام :

اورمیه گولونه یاخینلاشینجا، سو یوخدو و آغ آولاراق گورونوردو. اونجه قار اولدوغونو دوشوندوم آنجاق داها یاخیندان دوز اولدوغونو آنلادیق. اورمیه گولو، میلیونلارجا انسانین حیاتی‌نی ائتکیله‌ین، ان بویوک چئوره فاجعه‌سیدیر.

بو گول بیر زامانلار کوچن قوشلار و فلامینگولار اوچون بیر جنت ساییلیردی، ایندی بونلارین هامیسی تهدید آلتیندا و ابدی اولاراق محو اولور. من تبریزده دوز توزونون قارلارین اریمه‌سینه سبب اولدوغو بیلگیسینی آلدیم. بو دوز انسانلارین حیاتینی و طبیعتی تهلوکه‌یه آتیر.

کوچوره ن :اکبرسعادت