حسن سوخدو دگرمانی _ یازان رحمان حسین زاده

گیچمیش چاغلاردا اکنچیلر ، اکینلرین دریب خرمنده دویوب قورتولاندان سونرا، اله گلن بوغدا نی دارتماق اوچون دگرمانا یویوتمگه آپاراردیلار ،کی او، دارتیلان بوغدانین اونویونان ، ایوده چورک پیشیریب ، یسینلر . گیچمیشده هامی کندیلرده دگرمان اولمازیدی سویو یا چای آخان کندیلرده ، سو دگرمانی اولاردی . قدیم دگرمانلار سویونان ایشلدیگی اوچون یاواش یاواش اونو ،دارتاردیلار ائیله اونا گوردا همیشه دگرمانالارین قاباغی باساراق اولاردی. دگرمانچی بوغدا دارتماغا گلنلری نوبه ده دورماقا مجبورایلردی هر کیمسه اوز نوبه سینده بوغداسین داراتیب یویودندن سونرا یوکون باغلیب اولاغا چاتیب ایونه ساری قایداردی .

کندلرین بیرنده بیر کیشینین اوغلو واریدی آدینی حسن قویوموشدو حسن بوی آتیب یئکلیب بیر زوربا جوان اولموشده بیر آزدا ائیله قانماز ، سایمازیدی ده ده سی اوغلونا ، چوخ اوگود ویره یردی اما اوغلو، چوخ بیر اوگود گوتورن آدام دگیلیدی . بیرگون حسن آیاق یئرینده (توالت ) اوتوروب دورندان سونرا اوز جانینا باخیب گوردو ، بتر بیر قیلی جانی وار ئوزو ، ئوزونه دئیدی من بوی آتیب یئکلیب بیر ایگیت اولوموشام داهی بوندا بئیله بیر کیمسه منیم قاباغیما گیچه بیلمز بو سوزو حسنین ده ده سی دیوارین دالسیندا اولودوغو زامان ائیشدی بیلدی کی اوغلو نجور بیر جانوار اولاجاق دئیدی منیم کی قالدی الله ها . بیرگون حسنین ده ده سی بوغدا یوکونو ایششکلره یوکولویوب دئیدی اوغول آپار بو بوغدا یوکولرینی آشاغا کندیده دگرماندا دارت گوتور قایدگَل. حسن دگرمانا ساری یولا دوشود او دگرمانا گیدنده زور چوخ اولدوقو اوچون، نوبینی سایمازدی هامیدان قاباغا گیچیب سوخولوب بوغداسین دگرماندا دارتیب یویودندن سونرا یوکون چاتیب ایوه قایداردی . حسنین ده ده سی اوغلونو بیله گوروب دیئردی، اوغول سن نه تیز گلدین ، قونشونون اوغلو دونن گیدیب هله ا یوه دونمویوب حسن ده دئیردی : ده ده من دگرمانا یئترجک ، سوخو لوب ایشیم گورورب ( اونومو دارتیب ) تیز ایومیزه قایدارام ئوزون بیلرسن من چوخ زادلاری سایمارم . ده ده سی بیرباشین ترپدیب دیدی هان- اوغول بوایشین یاخجی دگل سنده اوزگه لر کیمین دور نوبده، واختین یئتشنده ایشین گور، حسن قایدیب دیدی ده ده : من اوونو ، بونو بیلمرم منیم کی ائیله بیله دیر. ده ده سی دیدی اولسون اوغول، بیر گون ئوزوندن گوتو قیلی سینا توش گلرسن ، اوندا بیلرسن کی من سنه بو اوگودلری نه اوچون دئیر م ، داهدا منیم ایشم یوخ چکیل گیت ئونومده دورما .

ینه بیر گون حسن بوغدا دارتماغا گیتمگ اوچون ایششکلری گیتیریب بوغدا چولارینی چاتیب دگرمان ساری یولا دوشدو دگرمانا یاخین لاشاندا گوردو چوخلو آدام ایششکلردن یوکونو دوشورب نوبده دایانیبلار، ائیله یئنده قاباخجاکی لارکیمین ایششکلرین سوردو باخماز سایماز ایستدی گیتسین قاباغا ، اوندا گوردو بیر نفر اده بره هیبلی بیر آدام قاباغین کسدی دئیدی قارداش هار گیدرسن گیت نوبنده دایان ، مگر گومورسن هامی نوبیه دورب ، حسن، سایماز دیدی : منی بوردا هامی تانیر من نوبه بیلین سایان دگلم منه حسن سوخدو دئیلر، بونو ائشدن کل حیدر ئوزونه گلیب بیلدی کی نیلسین .

کل حیدر بیر هیبتلی کیشیدی کورگی ائیله بیر دروازه قاپیسیدی، باشی اوکوز باشیندا یئکه ، بویون کَل بویونودان یوغون ، اوزو-ده ائیله بیر، جاب (تخته سنک ) تیکه سیدی ، قوللار کوتوک کیمن، اللر یا پیما ( تاپاله ) تکین ، سسی ده ائیله بیر قابلان سسیدی ، قیچلاری کوهنه توت آغاجینا بنزیردی، ئوزنونده اگنینه گیدگی پالتار بیرده نه اوزون دیزدن آشاغا آرخالیق دی، آلتیندادا تومانی یوخویدو ،کل حیدر ایره لی یئریب یاپشدی حسنین یا خاسیندا گتوروبا باشیندان کورگی اوسته ائیله زیرت (چوخ برک ) چالدی یئره آیاغین قویدو حسنین قارنیانا حسن زورا قالیب آلتنیدان بیرین بو.. گوردو ترپنه بلمیر آز قالیر اورگی گیچسین ئوزونو یغشدیریب بیر آز اوسته باخاندا کل حیدرین تومانی اولمادیقی اوچون قیچلارینین آراسی ائیلجه ده ،پاچاسی یاخجی گورسنیردی حسن بوکیشینی قیچلارینی آراسینا باخاندا ،گوردو کیشنین خا…لاری قیرا یئکه لیکده جانی دا بتر قیلی دی گوردو زور آلتیندا دایانا بیلمیجک ده ده سینین سوزو یادینا دوشودو کی ؛ دیئمشدی گوزده ئوزونن گوتو قیلسی نا توش گلمیه سن اما حسن بتر توتوقدا (گرفتار )قالمیشدی کل حیدر ایستدی بیرده آیاغین بیر آز حسنین قارنی اوستنده باسا حسن گوردو جیریلر، تیز دیدی : آی کیشی بیر مجال ویر بیر سوز دییم سونرا نیلرسن ائیله کل حیدر دئیدی : دی گوروم ، دئیدی: والله ده ده م دیینی گوردوم منی بوشلا کل حیدر بیرآز مات قالیب دئیدی :یانیئ نیجه ده ده دئینی گورودون ، حسن زرینخا زرینخا ماجرانی دئیدی کل حیدر حسنین سوزلرینی ائشیدندن سونرا بیر هه هه دئیب بوشلادی دئیدی ایندی آدام اولگونان سنده بو آداملار تگین گیت دور نوبنده همده ده ده ین سوزلرینی قلاق آس ، ائیشیت یادیندا ساخالا .

حسنین ده ده سی اوگون اوغولونون یولون گوزتلدی گوردو حسن گلمدی اوکنده قایدان آداملادان سورشدو آی آداملار بیزیم حسنی گورن وارمی نیه قایدمیب ، دئیدیلر آی عمی حسن ده او بیری آداملار کیمن بو دفعه دورب نوبیه ، حسنین ده ده سی باشین ترپدیب ماجرانی بیلدی . حسن صاباح آخشاما یاخین ایوه قایدی ده ده سینی گورجک دیدی ده ده منده بو دفعه نوبیه دایاندیم ، سن دئین ؛ ئوزومدن گوتو قیلینی دا گوردوم ده ده سی دیدی : بالا بیلرم سندن قاباق گلنلر منه دئیبلر ایندی آدام اولارسان گیدوب اویان بویاندا منه باش آغری گتیرمسن داحی گیت ایشلرین قالانینی گورگونن . بودا حسن سوخدونون ناغیلی ،گویدن اوچ آلما دوشدو بیری منیم ،بیری ناغیل دینین ،بیرده ئوزومون .

سیزده چوخ ساغ اولاسیز عذرائیله یازی ویرایش اولمویوب

رحمان حسین زاده (کیتابچی ) ۱۴۰۲/۱/۱۳