اورمونون آشیقلار قفه خاناسی

قارتال نیوز/ ارومیه_ ایسلامی اینقیلاب‌دان قاباق …گئچمیش ایل لر،آشیق‌لارین غربی آذربایجانین بوتون اصلی شهرلرین‌ده، چوخلو ایجرالاری اولاردی. تبریز، آشیق‌لارین شرقی مرکزی و اورمیه اولارین غربی مرکزی ایدی.

آشیق‌لار ایسلام‌دان قاباق زامان‌لاردان، تورک خالق‌لارین(ائل لرین) آراسیندا ایجرا ائدرمیش‌لر. موختلیف تورک ائللری، آشیق ایله سازی موختلیف آدلار ایله تانیرلار. آشیق‌لار قهوه‌خانالاردان علاوه، توی و آیری مراسیم‌ده ده ایجرا ائدردیلر و ایندی بعضا بو قایدا قالیر و یاشاماق دا دی.

حتی/ ایندی ده اورمیه شهرینده “آشیقلار قهوه‌سی” آدی آلتیندا اوچ عاشیق فعالیت گورسدیر…

اما شهریمیزده کی آشیقلار قهوه سی…

اوردا آشیقلار قهوه-چایخانایا ییغیشاراق مجلیس قورارلار، قهوه-چایخانایا ییغیشانلارین مقابلینده چالیب-اوخومالاری بیر عنعنه اولاراق ایندی ده یاشاماقدادیر.

مراسیمه باشلایان عاشیقلار نووبه ایله چالیب-اوخویور و گئت-گئده مجلیسی قیزیشدیریرلار. بیر موعیین مرحله‌دن سورا چایخانایا گلن لر ده آشیقلارا قوشولوب نوبت نن اوخوماغا باشلاییرلار. جوشغونلوق احوالیندا اولان مجلیس ساعاتلارلا داوام ائدیر و مجلیسده‌کیلر مجلیسسن تاثیر و تشویقی ایله اونا قوشولورلار، جوشغون حالا گلیب، واوخویارلار.

سازا و سوزه جیددی یاناشیلان ( علاقه مند اولان)  اورمیه موحیطینده؛ دوللو موصطافا،(روحو شاد اولسون…اونا اورمو مولاناسی دا آدلاندیریب لار) بالوولو میسکین، دوللو محمد، آشیق فرهاد، عاشیق روستم، روزه چایلی، آشیق عبدالرحیم، آشیق لوطفعلی، آشیق علی قیرمیزی باش، آشیق آسلان خویلو، آشیق درویش، آشیق دهقان کیمی قودرتلی صنعتکارلار یئتیشمیشدیر. بونلارین ایچریسینده دوللو موصطافا (۱۸-۱۹جو یوزایللیک) و بالوولو میسکین (۱۹جو یوزایللیک) یارادیجی صنعتکارلاردیر.

کی بوگون اورمیه آشیقلیغینین معاصر قاینار یاشامیندا آشیق دهقان، آشیق مناف،  آشیق محبوب، آشیق علی قارآغاجی، آشیق بولود، آشیق زولفعلی، آشیق ایسمعلی، آشیق ندیم، آشیق قنبر و … ساز-سوز اوستالاری اولوب لار و چوخلو شاگردلر تحویل وئریب لر …بو آشیقلارین بیر قیسمی آشیق درویش، بیر قیسمی ایسه آشیق دهقان ایفاچیلیق مکتبینه منسوبدولار…اما حال حاضیردا دهقان آشیق مکتبینین دوامچی لاری داها  چوخدی.

نویسنده: اکبرسعادت