اورمو دروازالاری

قارتال نیوز_ارومیه_بو دروازالارین آدلارینی تانینماز بیر شاعر نظمه چکمیشدیر…اولسون کی بعضی آتابابالاریمیزین یادلاریندا قالمیش اولسون…او زامان شهرلره ماشین، مخصوصا اتوبوس ایشله مزدی.مسافرت لر پیاده یا مال آیاغی ایله اولاردی.هرچند اورمو کندلرینده ایراندا سابقه سیز اولاراق “یئلینکا” دئییله ن کالیسکه لر وار ایدی.بو یئلینکالار هر گون هر کند دن بیری یا بعضا ایکی کند دن ملتی شهره گئتیرردیلر.کند اهلی آل وئرلرینی ائلییب ایشلرینی گورندن سورا، آخشام چاغی اولاری کنده قایتاراردی…

آما اورمونون یئددی ( بعضا سککیز) دروازاسی وارایدی که اولاری خدمتیزه عرض ائلیریق:

• “بلوو دروازاسی“ ؛ دمیر دیواندی( چونکی اوردا شهرین بویوک آداملاری اوتورارمیشلار)
• “عسگر خان دروازاسی“؛ هامیسی خاندی( بوردان بنده و ترگه وره گئدردیلر) مهدی القدم و گول اوستو ایالت، شهرداری؛ ستاد لشکر و سربازخانا اهالی سی، بوردا اوتوراردیلار
• “نوو گئچر“ ایله کورد شهر؛ هاندا بیر جاندی( اورمونون ائرمنی لری بوردا اوتوراردیلار)
• “ارک دروازاسی“؛ بیر جینقئیلا یاندی( بو دروازادا تقریبا، کورده شهر ایله بازار باش آراسیندا دی)
• “بازارباش دروازاسی“؛ قیزیل توماندی( بوردان نازلویا، باراندوزا، و اشنویه یه گئدردیلر)
• “مهاباد دروازاسی“؛ اهل گذاراندی( شهرین او دلخوش منطقه سی ایدی!!!) مهابادا، نقده بو دروازادان گئدردیلر
• “تورپاق قالا“، دروازاسی بیر پارچا قاندی( شهرین ساللاخ خاناسی بو منطقه ده ایدی… اونا گوره دئییردیلر قان دی بو دروازا)…نازلی چایا، گزنک، یاخشی قالا، ساعاتلی، و چونقارالی کورپوسونه بوردان گئدردیلر.

  نویسنده: اکبر سعادت