قارتال نیوز_اورمو: کنفرانسدان زاددان هئچ زاد چیخماز. دده مالی داواسی دئییل آغ ساققاللار گلیب دده دن قالانی پای- بولوش ائده لر ورثه راضیلاشا. بو بیر بولگه نین یاشام مسئله سیدیر، ۸ میلیارد تن قوم و دوز بومباسی! گورون من نه زامان دئدیم ها…
بیر ”تک صبیر” دوزومو دوزسه ایدیلر بو مصیبتلی گول ده قورویاردی ، اوندان سونرا بو گولون ایچی له تبریز – اورمو سکگیز بانده اوتوبان دا وورسایدیلار ائله بیر زادا باخمازدی . داشی قومو کی اوزوندنیدی ، بیر قالاردی قیری ، مسئوللار دا بیر آز داها قیر وئرردیلر، اولاردی آسفالت ! بو عظمت ده !! کووپونون ده خرجی جیب ده قالاردی .اورمو گولونه گوره کئچیریلن کنفرانس لارین خرجی له نتیجه سین بیر یئره ییغسایدیلار بئش – آلتی درین قویو ( چاه عمیق) قازیب بو گولو سووارایدیلار بلکه … البته اوندا گولون اوستونده کی کورپو داها عجایب اولا بیلمزدی.
من نیسگیللی اورمو گولویم! اسکی زامانلار منه چیچست گولوده دئمیشلر. زرتشت حضرتلری منیم اطرافیمدا اولان بیر یئرده دونیایا گلیب. بیر زامان دونیانین ایکینجی ان دوزلو گولویدوم. ایندی ایسه سویومون آزالدیغینا گوره سانیرام دونیانین ایلک ان دوزلو گولو اولا بیلم! البته منه گول آدی قویا بیلسه لر!
مجلیس نوماینده لری یاردیمچین اولوب مو؟اونلار یاردیملارین سئچگیلر آخشامینا ساخلاییب. اونلارین دا گرک سئچیلمهیه سوژه لری اولا دای! سئچیلندن سونرا بو یاردیم ائتمه شوعارلارین هامیسی سوز اولاجاق اودا اونودولوب گئدهجک. البته منیم بو پیس دورومدان چیخماغیما نوماینده لرین بیری یالنیز دعا ائتمه یی تکجه یول بیلیب! من بیلن ایندی ده ایشین- گوجون بوشلاییب ائله دعا حالیندادیر و هئچ مجلیس ایشلرینه یئتیشمیر! والهی من راضی دئییلم! بیریسی ده بویوروب اورمو گولونون کیچیکلنمه سی اونون یاخشی قورونماسینا یاخشیدیر! آللاه هامیسینین ایشلرین راست گتیرسین!آمما سایین اورمو گولو! اوستده قوروماغینیزا ندن اولانلارین بیرین، سدلری دئدینیز! سدلر کی اکینچیلره ده یاخشیدیر برقین تولیدینده ده! نه دئییرسن سون پیشیک؟ بولگه کویر اولماق اوزره دیر، نه اکینچیسی نه برقی؟ اکینچی اکین-بیچیندن، باغچی باغچیلیقدان راضی اولسایدی نه اوچون کنددن شهره کؤچمک گون به گون آرتیردی؟ برقلر ده کی ائله کئچن ایللر کیمی گئدنده گئدیر گئتمه ینده گئتمیر. بیرده بو کندلیلرین قازانجینا نه یاغینتی نه ده سد، هئچ بیری فرق ائله مز! کئچن ایل اوزوم محصولو باغچیلارین الینده قالا- قالا توکانلاردا بیر کیلو اوزوم ۱۵۰۰۰ تومن ایدی، باغچیلار دا بیر کیلو اوزومو ۱۰۰۰ تومنه یالواریردی دلالی ناز ائدیردی! من ایشین ایچینده یم بیلیرم یازیق اولان اولوب قورتولوب، بیزیم اؤلکه ده جور به جور مئیوه ایله اکینه جک اولارکن یابانجی اؤلکه لردن تون- تون وارد اولور.
اورمو گولو اونوتولان بیر مسئله دئیر، بیز اوشاغلیق دان گوزوموزو آچیب اورمو گولون سولو گورموشیک، ایندیسه بو آندا بو دوزلو گوله گرک یاردیم اولاق. اوشاغ اولار کن یایین ایستی گونلرینده اورمو گولو قوجاغین بیزه ساری آچیب و بیزی باغرینا باسیردی، هئچ یادیم دان گئتمز او گون لریمیز. بو آندا هر بیریمیزه وظیفه دی بیلییی نه قدر و باجاردیغینا قدر بو دوزلو گولون حاققیندا چالیشا. مینت اولماسین چونکی اوز حاققیمیزدا وطن حاققیندا و آنا حاققیندا چالیشیریخ.
گورک بیزیم الیمیزدن آغلاماق‌دان سئوای نه گلیرکی ائله‌میریک؟! گوره‌سن بو گوله چاره وارمی؟! آرازدان پای آلاق، یوخسا اوز چای‌لارینی قایتاراق. بلکه ده گوله بیر اورتو اورتک، سویو بوندان آرتیق بوخارلانماسین. دئییرسیز دوزونو آزالداق، شورلوغو آزالسین، تئز قوروماسین.
سون سوز اولاراق نئیلهمهلیییک؟
کنفرانسدان زاددان هئچ زاد چیخماز. دده مالی داواسی دئییل آغ ساققاللار گلیب دده دن قالانی پای- بولوش ائده لر ورثه راضیلاشا. بو بیر بولگه نین یاشام مسئله سیدیر، ۸ میلیارد تن قوم و دوز بومباسی! گورون من هاواخت دئدیم ها…
کوچوره ن : اکبرسعادت
در نوامبر امسال، «ویکتوریا کیار تِیلویک» از دانمارک به عنوان دختر شایسته جهان انتخاب شد. این پیروزی باعث خوشحالی بسیاری از محافظه‌کاران آمریکایی شد؛ از جمله اَمبر هالس، بانوی سابق «میس داکوتای جنوبی» که اکنون سناتور جمهوری‌خواه در مجلس ایالتی است. او در واکنش به این اتفاق در اینستاگرام نوشت: «ترامپ رئیس‌جمهور است و دختر شایسته جهان مو بلوند است. ما برگشتیم!»
به تازگی ناسا تصویری جدید از دریاچه ارومیه منتشر کرده که وضعیت بحرانی آن را نشان میدهد.
جانشین فرمانده انتظامی آذربایجان‌غربی از کشف بیش از ۷۶ هزار عدد انواع داروی غیرمجاز در شهرستان میاندوآب خبر داد و گفت: متهم این پرونده پس از تشکیل پرونده مقدماتی، تحویل مراجع قضایی شد.
مدیر کل آموزش و پرورش آذربایجان‌غربی گفت: یکی از نیازهای اساسی امروز جامعه، شناخت عمیق و به‌کارگیری راهبردی هوش مصنوعی است؛ فناوری‌ای که می‌تواند تدریس، تولید محتوا و ارزشیابی را دگرگون کند.
ارسال دیدگاه
قوانین ارسال دیدگاه