عاصم اردبیلی دن بیر شعر:

چوروک بیر سددیر سیندیرماقیندان عاجزم یوخسا

خیالیم قویمارام بیر لحظه قالسین آیری یاریمدن

سحر مین رنگلی انسان نمالردن اوره ک داغلی

گئجه مین نیسگیلیم یلدایه بنزر شام تاریمدن

جاوانلیقدان قالان نقدینم الده بیر صداقت سه

عومور کئچدیکجه نئیلیم ائیلیرم خرج اعتباریمدن

کدرسیز بیر گئجه اومدوم فلکدن اولمادی مقبول

نه دیر مقصودی عاصم بیلمه دیم بو تار ماریمدن