بیزده اورمو گولونده بوغولدوق…/ #سیل-اهر

کئشکه بیراز دا سئل دن یازام .سئل گوجوندن…اوزگه لره اولوم وئریب اورمو گولونه حایات وئرن سئل دن . بو گونوموزه آغلایان یاغیش…بیز بخت اولدوزوموزو ایتیردیق.اورمو گولونده تام بوغولدوق..

او گئجه مین گئجه قدر منه کئچدی.اوچ گون ایدی او گوندن گئچیردی.قاپینی،پنجره نی ،یئری گویو ،اکین یئرلرین داغیدان سئل دئیه سن کسیلمیشدی.آنجاق خبرلرده و دیل لرده گزیردی: ائلیمیزه سئل گلیب…

آنجاق بیلیرسن نه دئمک دی؟!!! بیز درد ایچینده باتمیشیق  ،ایسته گیمیزه  چاتماق اوچون،خوش گونوموزو ساتمیشیق داها یازیمیز قیشا دونوب،گومانلاریمیز کاشا دونوب بخت ایقبالیمیز داشا دونوب،اومودوموزو آتمیشیق ،فلک بیزی آغلار یازیب ،سینه میز اوسته حسرت دوزوب،بیرجه عومور ویصال گزیب،آیریلیقا چاتمیشیق … کؤورک علی درمانیمیز یوخ ،هیجران ووروب کونلوموزه اوخ سئوینجیمیز آز کدریمیز چوخ بختیمیز کیمی یاتمیشیق.

دونیادان بیر بوتون ایمیش کیمی دانیشماق بو گون آرتیق گئتدیکجه چتینلشیر اوز اوزومه دئدیم بو دردین یالنیزلیغیندا  و بو یاسلی گئجه ده اوتوروم و اوزومله بیراز دانیشیم . مگر یالنیزجادا دانیشماق ااولار؟!!گوزلریمی،گوزیاشلاریم، بیر پرده کیمی توتموشدو.بیر اولکه کی بیلمه مزلیک و اعتناسیزلیغین قوربانی سی اولموشدو. نه قدربئله بیر دردی گورمک  دوزومسوزلوک دور؟

آنجاق سوز تکجه سئل ده قورتارمیر.دردیمیزین بیری سئل اولسا،یوزلرجه سی سئل دن گوجلو پروبلئم لر دیر. هردن فیکرلشیرم روزگارین چتینلیک لرینه ،نئجه کی ،خالقیمیزین باشین ائله قاتیب کی بیرآن دا اوزلرینه فیکرلشه بیلمیرلر.

ندن یازیم و نه لری یازیم .بو دهشتین جاوابیندا نه یازا بیله‌رم.هئچ بونا فیکرلش مه میشدیم… منجه بئله دوشونورم کی بو ایلک سوزوم دئییل و سونو دا اولمویاجاق.اما با سورغونو بئله باشلاماق ایسته ییرم کی ائلیمین قارا گونون (سئل بحرانی )بیر نئچه عنوان دا آچیقلایام:بیرینجی‌سی دلیل، یا قانیت دیر. ایکینجی‌سی نی‌یه آنلامیندا دیر. داها دوغروسو جومله‌نین ایچینده سورغو ایشارتی یئرینده ایشله‌نیر. اوچونجوسو ده نمنه‌دن یازماق آنلامیندا دیر.

یازا یازا او قدر سورغون و بحرانلار یادیما دوشدو کی ،سئل بحرانین یاددان چیخاردیب و ایسته دیم بیراز اولکه می بوغان آیریجا دردلردن یازام.نظره گلیر کی، اولکه تکجه سئل بحرانیندان یوخ بلکه یوزلرجه سئله تای بلکه  ده اوندان گوجولو اولاراق پروبلئم لر ایچینده ال ایاق چالماقدادیر.دوز دئییب لر کی :قالان ایشین اوستونه قار یاغار. یازمالی‌ییق. یازمادیقجا، یازیلمایاجاق. قالدیقجا دا قالاجاق…

اولکه،یوخسولوق، فقیرلیق، ایشسیزلیق هله بوگونلرده توپلومسال( اجتماعی) سورونلارلا قارشی قارشیادیر.گونو گوندن آرتیق بحرانلاریمیز ائلیمیزده ایز قویور و هر کیمی دیندیریرسن، دورومدان گیلئی‌لی‌دیر. بو گیلئی‌لی‌لیک‌ اوزوموزدن دئییل ها، اوزگه‌لردن دیر..!!! ائلیمیزده ایشاره ائتدییم پروبلئم لر ائلیمی بوغوب سئل کیمی داغیدیب. آنجاق هر لحاظ دان بویوک بحران ایچینده ییق. بو بحران گون به گون گنیشلیر، بونا گوره ائلیمیز قیسا مدت ده بویوک سورونلارلا قارشی قارشیا قالاجاق. بحران ایچنده سیاسی و اجتماعی مسئله لری واردیر. اگر تئزلیکله بیر چاره تاپیلماسا یوزلرجه مسئله لر ده اورتیا چیخاجاقدیر.منیم  تک دردیم اوزوموزدن اولان ، اوزوموزو ترسه آنلایان لاردان یولونو آنلامایان ،یولا چیخان لاردان عیبارت دیر.من آنجاق بیلیرم کی  اگر الکساندر گراهام بئل ده  بیزیم ایچیمیزده دوغولوب بئله شرایط اوزره یاشاسایدی، او دا بو گون ایجاد ائتدییی خاریق‌العاده ماکینالیغا شیطان عملی دئیردی.

کئشکه بیراز دا سئل دن یازام .سئل گوجوندن…اوزگه لره اولوم وئریب اورمو گولونه حایات وئرن سئل دن . بو گونوموزه آغلایان یاغیش. نه یی خاطیرلادیرسان بیزه؟آقای “زاد” وئردیی وعده لری یئرینه گتیریر.. بیز بخت اولدوزوموزو ایتیردیق.اورمو گولونده تام بوغولدوق..قورخورام داها سنه سند تاپیلمایا.سن یوخسان سوز سوسور.سن یوخسان سوزجوک لر قیسیرلاشیر.سوز سویا گئدیر.سن یوخسان،سوزون سوزونده سوسور قاراچای..

ایستر سئل گلسین ایستر طوفان گلسین ایستر زلزله گلسین ،هرشی اولور اولسون بیزی نه سئل ییخار نه زلزله.بیزه تانری دایاقدی.بو سئل یئر اوزونده کی یولاری گوتوردو اما اورکلری بیر بیرینه باغلادی.گئدین دئیین خان چوبانا گلمسین بو ایل  آق قلا یا گلسه باتار ناحق قانا آپاردی سئللر سارانی بیر آلا گوزلو بالانی.

آخرین خبر محرمانه این بود که:از شوروی یک دستگاهی خریدند صبح ها روشن می کنن ابرها بارور می شن،عصری بارون میاد.گویا یه مدته دستگاه خراب شده و یه سر داره ابرها رو بارور می کنه.آمریکا هم قطعه شو نمیده…تحریمیم.

یازار: اکبر سعادت