شهریارین ” شهریار” تخلصو

قارتال نیوز/ سید محمد حسین بهجت تبریزی « شهریار » ایرانیمیزین بویوک شاعری و شرق عالمینین افتخاری ۱۲۸۵ بیر آیری روایته گوره ۱۲۸۳ هجری شمسی ایلینده تبریز شهرینده بیر عالیم خانواده ده دنیایا گوز آچدی.

اوستادین آنادان اولماسی ، ایراندا مشروطه حرکاتی ایله، مصادف ایدی.

و اونا گوره کی حرکت لرین کانونو تبریز شهری دی ، استادین آتاسی میر آقا خشکنابی کی تبریز شهرینده وکالت خاناسی واریدی ، بو قراره گلدی کی عائله سینی اؤز دوغما یوردو  خشکنابا یولاسین.

او سببدن استاد خشکناب کندینه گئدیب و ائله او یئرده بیر مدت یاشاییر.

دئیرلره گؤره/ کیچیک یاشلی محمد حسین هر زمان شعر اوخویارمیش اونون سلامت لیگینه اوزرلیک یاندیرارمشلار . استاد شهریارین دئدیگینه گوره ، اونون ایلک شعرلری آنا دیلینده اولموش.

دئییشلره گؤره کیچیک یاشلی محمد حسین هر زمان شعر اوخویارمیش اونون سلامت لیگینه اوزرلیک یاندیرارمیشلار.

استاد شهریار فارس دیلینده  شعر یازماغا باشلامادان اؤنجه سوی آدیندان فایدالانیب و  زمانین  مصطلح تخلص لری کیمی اوزو  اوچون «بهجت» تخلوصونو سئچدی اورنک اولاراق…

استاد تهراندا طب ریشته سینده تحصیل آلارکن  بو قرارا گلدی کی اوزو اوچون بیر اویغون تخلص سئچسین ائله او اوزدن ، اؤز مرشدی اولان حافظ و اونون دیوانینا ال اوزاتدی.

استاد بو قرارا گلدی کی حافظین دیوانیندان بیر فال توتوب و اورادا گلن واژه نی اوزونه تخلوص قبول ائیله سین . اوندا بو شعر گلدی:

دوام عمر و ملک او بخواه از لطف حق، ای دل

که چرخ این سکه دولت به نام شهریاران زد.

او زمان  استاد شهریار  او تخلوصو اوزونه بویوک بیلیب، بیر دفعه ده تخلوص سئچمه ده بویوک حافظدن یاردیم ایسته دی ، اوندا ، حافظین دیوانیدان بو شعر استادا تخلوص سئچیلدی …

روم به شهر خود و شهریار خود باشم

بو دفعه شهریارین دئدیگینه گوره حافظ استادین تخلوصونون ((شهریار)) اولماغینا تاکید ائله یب ، حتی اونو تشویق  ائله دی کی قاییتسین  اوز شهرینه و اورادا اوزو ایچون شهریار اولسون . بئله لیک له  سید محمد حسین بهجت تبریزی ((شهریار)) تخلوصونو سئچدی او فارس دیلینده بیر قلله قالمادی کی فتح ائیله مه سین. ائله بو اوزدن اونا حافظ ثانی لقبی وئریلدی.

اکبرسعادت