قیرمیزی کارت / عیبی چوخ

قارتال نیوز/ گونده‌لیک یاشام آجی‌لاری بیزی سارسیدار…آنجاق، بیر پارا آجی‌لارین بیزیم یاشامیمیزدا اؤزل ائتگی‌لری واردیر. بو آجی‌لار بیزی سارسیتسالار دا، یاشامیمیزا آنلام باغیشلایارلار… بویومک ایسته‌ین اینسان‌لار بو آجی‌لاردان قورخمامالی‌دیرلار… انگلیسی‌ده “بوتون یومورتالاریزی بیر سبده قویمایین” دئیه بیر آتالار سؤزو واردیر. گلین یومورتالاریمیزین چوخونو بو اخلاقسیز والیبال سبدیندن گؤتورک!

بیر ورزش بیر بئله شرفسیزلیق، بیر بئله اویونبازچیلیق اولماز. بیزیم پولوموز، واختیمیز، انرژیمیز بو چیرکین والیبال سیاستینده هدره گئدیر.

بیزیم یئرلرده حاقلاریندا دورانلار آز اولور. حاقلاریندا دورماق بو آنلامدا دیر؛ بیر بو کی باشقاسینین حاققینی آیاقلامییاسان، ایکینجی سی اوز حاققیوی کیمسه یه یئدیرتمه یه سن. بورالاردا اینسانلارین چوخو ایکی سینی ده گورورلر. هم حاق یئییرلر، هم ده حاقلارینی زورلاری چاتمایانلارا یئدیردیرلر. داها دوغروسو گوجلری اونلارین نئجه داوراندیقلارینی بللندیریر. بونو دئدیکده گئنلده بئله اولور. آنجاق واردیر بیرکس لر ده کی باشقالارینین حاقلارینا سایغی دوروب،اوز حاقلاریندان کئچرلر. ایشلر یولا دوشسون دئیه اولسون دئییب کئچرلر. اولسون دئمک ایله ایش یولا دوشمور بلکه باشقا حاقسیزلیقلارا یول آچیلیر.

حاققیمیزدا دورماق،او قدر ده چتین دگیل. اوزوموزون ایشیمیز یولا دوشسون دئیه باشقالارینین حاق اولدوقلاری آنجاق حاق بیلمه دیک لرینه ال اوزالتمامالی ییق. یییه لری ده بیلمه سه، بیز بیلیریک او بیزیمکی دگیل. عئینی حالدا، الیمیز ایله باشقالارینین حاقسیزلیغینا یول وئرمه مه لی ییک. ها بئله حاققیمیز اولان هر بیر نسنه نی، زوربالارا یئدیردمه مه لی ییک.

آمما سوز هله بوردا بیتمییپ، اورمو والیبالین اوتوزماسی،چوخ زامانلار،«عیبی یوخ»سوزونن قارشیلاشمیشدیر، آمما بو گونلر هر مسابقه نین سونو، اوتوراجاقلارین نفرتی نن قارشیلاشیر

امما بوندان بئله مسابقه نین تمام انرژی سی آلینماقدا، ۱۰۰ مین نفر تورک اوغلونون تکجه وارلیقی «اورمو» آلچاقلانمیش و ازیلمیشدیر.

بو یازینین یازیچیسی ، هئش واخت ایستمزدیر اویونا گوره بیر زاد یازا، اصلینده «یاشاسین آذربایجان» و «اورمیه نی ائل ایستر ، شرفلی میللت ایستر» سسی یاییلماسی، ان بویوک ظفردیر.

امما بئله لیکله، هله هئشزاد بیتمه ییب، و بوگونلرین « ازیلماسی» هئش بیر زاد گرک ساییلمایا، بو شرفلی میللت زنگین تاریخین بویوندا بوندان چوخ چوخ درین دردلره دایانمیشیدیر. هله هئشزاد بیتمه ییب.

سوزون سونو بونو دئمک ایستیرم؛ حاقسیزلیق ایکی باشلی دیر. هم حاققی یئین، هم حاققی یئییلن سوچلودور. حاقسیزلیق هم باشقالارینا دیر، هم اوزوموزه! ایستیریک یاخشی بیری اولاق، حاق یئمه ییب و حاققیمیزدان کئچمه مه لی ییک. حاققیمیزدا دورمالی ییق.

داریخما یاخشی یامان روزگاریمیز کئچه جک
بو بئش گون عمره گوره روزگاره یالوارما
سنین ده بیر گول اولار نو بهارین ای بلبل
خزان جفاسینه صبر ایله خاره یالوارما

بیز قهرمانیق…

یازار:اکبرسعادت