قارتال نیوز/ آشاغیداکی یازی اورمو گولون دیلینده یازیلیب.اومودوم وار اوخویوب و یاردیم اولاق اورمو گولونه.
باشینین ساغلیغینی دیله گتیره بیلمیره م. آخی دیلیم آغزیمدا یانیر، منیم آذربایجانیم. بالالارینی دوشونه آل. سود وئر سونرا تورپاغین برکتلی اولسون دئیه اونلاری بیر داها دیریلده بیلرسن. آنجاق آنالارا قییما قادان منه. سینه نین ترپنمه سی بیلیره م اینجیدیب سنی. دیسکینیب دوداق لارین. واختی ایلا اورمویا تیتره ین دوداق لارینی دئییره م اولسون منیم یاخچیم اولسون پیس گونون عؤمرو آز اولار. دؤزسه نم. سونراسینی آللاه بیلر نه اولار.
آنجاق ایندی داها دینجل بیر آز. قوی قورخودان اسمه جه یه دوشن بالالار بیرآز یاتسین لار دوشنده. قوی آنالار قونداق لی کؤرپه لرینی سنه باسدیرسینلار. قوی آتالار گیزلینجه آغلادیق لارینی ترک ائدیب اوشاق لارینین صاباح لارینی دوشونسون لر. سونراسی نی یئنه آللاه بیلر.
دوشونده قبیر یئر قالماییب بیلیره م. نئجه کی بیزده صبیر یئری یوخ. آمما نئیله مک نه نه م منیم.؟ طالئین نه یازدیغینی بیزه اوخوتمامیش کیمسه. اللریمیزی باغلی ساخلاییب هله لیک فلک. دونن وطن دئیه اوغوللاریمیزی قوربان وئردییمیز قونشولار ایندی آغیزلاریم سو آلیرلار. اولسون وطن اولسون. بو بورجوموزودا اوده یه ریک بیر گون. سونراسی نی یئنه آللاه بیلر.
سن بیزیمله مهریبان سان . کوکسونو یاریب چوره ییمیزی وئردیینی بیلیرک. عاییب لاریمیزی اورتدیونو بیلیرک. داغ کیمی دایاق اولدوغونو بیلیریک. اولارمی آدیندان مهریبانلیق پوزولسون؟ یوخ سن هله بیزیم یاخچیمیزسان. مین لرله ده ایسته سن قوربان وئره ریک آنجاق بیلیریک سن بونا قیمازسان. گل ایندی ال اله یارالاریمیزی باغلایاق. سن بیزیم بیز سنین. سونراسینی آللاه بیلر.
من بیر قاری گولم، اوزون زامان‌لاردان بری بو اولکه ده یاشیرام، بیر آنا کیمین آرتئمییالاری، قوشلاری و هر جان‌لی کی منیم اطرافیمدا یاشیر، اولاری ازلدن بسله ییب سیزله ره ساخلامیشام.
من عومور بویو سیزین بویوک بویوک آنا، آتالاریزی گوروب و آزربایجان میللتی‌نین توم تاریخده نئجه جسور، نئجه غئیرتلی اولدوغونو، نئجه زولمون سیتمین قارشی‌سیندا سس سیز قالماییب توم جسارتیله ساواشیب، نئجه مین‌لر شهید وئریب آما دایانیب و گله جکه گوج‌لو آتدیم آتدیغینا شاهیدم.
آخی منده بوتون آذربایجان میللتیله یاشامیشام، یاشیرام، آما گله جکین نه اولدوغونو بیلمیره م!؟ بیلمیره م یاشییاجاغام یوخسا یوخ؟ بیلمیره م گلن نسللرین خاطره لرینده اولاجاغام یوخسا یئریم بوش قالاجاق؟ منیم گوروشومه گلنده سیزلری باغریما باساجاغام یوخسا کی ساده جه منده ن قالان دوزلار ال و آیاقلاریزی یارالییاجاق؟
جان قورتاریب نفسیمی کسیب لر
غم یئللری منیم اوستدن اسیب لر
من اورمویام منده گمی گزردی
دورنا قوشو باشیم اوستون بزردی
آخی منیم گوروشومه گلنده سئوینجیزی، اوزونتوزو گاه‌دان اوزمکیله گاه‌دان داش آتماغیزلا پایلاشمیشام.هئچ واخت سیزین اوزونتوزو گورمک ایستممیشم بیر آنا کیمین، سیز اوزرکن سیزی باغریما باسیب سیزه گوز اولموشام، اوزمک باشارمییانلاری قوجاغیمدا دولاندیریب بوغولماق‌لارینا مانع اولموشام.
نئچه مین ییلار سیزلردن هئچ نه ایستممیشم آما بو گون گلیب چاتیب کی من ده دوزه بیلمه ییب هارای چکیرم من سوسوزام.من آذربایجانین یاشام باغییام منیم اولومومله بوتون آزربایجان یاشامین ایتیره جک.آرتئمییا‌لار قان آغلاییب، قان کیمین آل اولدوم، نئجه منی گورمورسوز؟نئجه آذربایجانین تالئیندن اوز چئویریرسیز؟
منیم بو گون سیزلره ایهتییاجیم وار گلین آی باجیم گلین آی قارداشیم گلین فریادیما یئتی‌شین من سوسوزام… بو گون اورمو گولونون یاشامی هر طرفدن خطرددیر.بو گولو بیز قورتارمالیییق و او گولو قورومانی اوزوموزه موقددس بیر وضعیفه سایمالیییق.
قدرینی ائل بیلیر ، عطرینی گول بیلیر…
ساچینین آغینا قاراسینا قوربانام…
یازار: اکبرسعادت
استاندار آذربایجان غربی و دبیر کارگروه ملی نجات دریاچه ارومیه با اشاره به اینکه احیای دریاچه ارومیه با مشارکت و همراهی مردم امکان‌پذیر است گفت: دولت چهاردهم با اولویت‌دهی به احیای دریاچه ارومیه، گام‌های مؤثری در جهت هماهنگی بین‌دستگاهی، جذب مشارکت مردم و نهادهای علمی و تأمین اعتبار برداشته است.
سرپرست اداره کل آموزش و پرورش آذربایجان‌غربی با تأکید بر لزوم تربیت دینی نسل آینده، از حوزههای علمیه خواست در این مسیر کنار آموزش و پرورش باشند.
شایعهپراکنی برای تضعیف استاندار؛ نقشههای پشت پرده برای تصاحب قدرت، در آذربایجان غربی این روزها شاهد گرداب شایعاتی هستیم که فضای سیاسی استان را ملتهب کرده است.
سرپرست اداره کل صنعت، معدن و تجارت آذربایجان غربی از کشف کالای قاچاق به ارزش بیش از ۱۸ هزار میلیارد ریال در یک سال گذشته خبر داد و گفت: ۳ هزار و ۵۴۷ مورد بازرسی منجر به تشکیل ۶۰۹ پرونده تخلف شده است.
ارسال دیدگاه
قوانین ارسال دیدگاه